Мәктәбебездә  шау килеп иң могҗизалы бәйрәмнәрнең берсе - Яңа елга әзерләнү бара. Шул ук вакытта укучылар  төп эшләре укуны да онытмыйлар. Бу көннәрдә район күләмендә узучы олимпиададан да кайтып кергәннәре юк.

Бүген линейкада макулатура җыю буенча йомгак ясалды. Актив катнашкан укучыларга грамоталар бирелде. 

5 нче декабрь көнне "Кар десанты" отряды мәктәбебездә булды. 3 нче һәм 4 нче сыйныф укучылары өчен хыял шәһәрен булдыру буенча мастер-класс үткәрделәр. 1 нче һәм 2 нче сыйныфлар өчен спорт уеннарын уйнаттылар, ә өлкән сыйныфларга университетлар һәм Россия Студентлар отрядлары хәрәкәте турында сөйләделәр. Ә инде иң соңыннан бик матур концерт номерларын куйдылар.

3 декабрь көнне, безгә, РДК да булып узган "Сәләтле бала" конкурсының  гала концертында катнашырга насыйп булды. Анда безнең балалар бакчасында тәрбияләнүче Абсалихова Самира "Башмаклар" биюен башкарып, "Танец" номинациясендә лауреат булды. Әледән әле яңа үрләр яулаучы Самирабызны чын күңелдән котлыйбыз, алга таба да уңышлар телибез!

В нашей школе был проведен районный конкурс агитбригад ЮИД среди сельских дошкольных образовательных организаций Кукморского района. Конкурс проводился с целью по профилактике детского дорожно-транспортного травматизма и формирование у детей основных навыков безопасного поведения на улицах и дорогах. Наши воспитанники команды ЮИД «Огоньки» достойно выступили и заняли 1 место. От всей души их поздравляем с победой!

27 нче ноябрь көнне мәктәбебездә әниләр бәйрәме булып узды. Бәйрәмебезнең беренче өлешен укучыларыбыз җылы эчтәлекле концерт номеры белән башлап җибәрделәр, ә инде икенче өлеше чәй өстәле яныда үтте.
Һәркемгә дә газиз әни,
Әни сүзе-изге сүз!
Күпме наз һәм нур сибелә!
Әни сүзе - үлемсез!

Хәзерге вакытта математика укытучылары алдында укучыларга билгеле бер күләмдә белем бирү генә түгел, ә аларны бу белемнәрне мөстәкыйль табу, математиканы мөстәкыйль өйрәнүгә кызыксыну тәрбияләү бурычы тора. Математика атналыгы-әлеге бурычны үтәү чараларының берсе. Ул математик культура дәрәҗәсен күтәрүгә һәм укучыларның танып-белү сәләтен үстерүгә ярдәм итә, аларның математик күзаллауларын киңәйтә. Атналык кысаларында “Математика, информатика фәннәре  буенча  кызыклы  фактлар”, татар халкының атаклы математиклары турында  әңгәмәләр, «Телдән исәпләү», «Математик бизнесмен», «Иң чиста дәфтәр», «Рәсемгә шигырь уйлап тап» конкурслары үткәрелде. Һәр сыйныф "Математика  фәненең тормыштагы роле” темасына гәҗит чыгарды. 5-6 нчы сыйныф укучылары арасында “Координаталар буенча рәсем ясау” темасына үткәрелгән мастер-класс, тәнәфес вакытында математик ребуслар чишү укучыларда аеруча кызыксыну уятты. Киләчәк буынны тәрбияләүдә вакытын да, тырышлыгын да кызганмаган халыкның киләчәге ачык һәм якты була. Атналык безнең мәктәптә бу кызыклы һәм төгәл фән белән җитди кызыксынучылар барлыгын күрсәтте.

23 нче ноябрь көнне, мәктәбебез укучылары ТНВ каналыннан бара торган "Тамчы - шоу" уеныннан беренчелекне яулап кайттылар. Алар Спас районы Рәҗҗәп авылы укучылары белән көч сынаштылар. Шушы уенда катнашкан укучыларга һәм аларны әзерләгән укытучыларына зур рәхмәтебезне җиткерәбез.

14 ноябрь көнне Елабуга шәһәренең "Жемчуженка №31" балалар бакчасында уздырылган,  "Сөмбелә чибәре - 2019" региональ конкурсында, безнең балалар бакчасында тәрбияләнүче Абсалихова Самира җиңү яулап кайтты. Әлеге зур уңыш белән аны һәм әлеге уңышка ирешергә ярдәм иткән тәрбиячеләрне чын күңелдән котлыйбыз!

Мәктәбебезнең 8 нче сыйныф укучылары алмагачларны кышка әзерләделәр. Салкыннар башланганчы дип агач төпләрен төреп чыктылар.