23-25 нче апрель көннәрендә Казанда IV «Ак калфак» укучы кызлар бәйгесенең финал туры узды. Кукмара районы данын яклап, Янил урта мәктәбенең 10 нчы сыйныф укучысы Мөхәрләмова Гүзәл Илшат кызы да әлеге бәйгедә катнашты һәм дипломант булды. Гүзәлне әлеге дәрәҗәле бәйгегә әзерләгән укытучыларга, әти-әнисенә, райондагы “Ак калфак” берлеге рәисе Җиһаншина Зөмәрә Нихат кызына зур рәхмәтебезне җиткерәбез.

26 апрель - татар шагыйре Габдулла Тукай туган көне - мәктәбебездә ел ла күркәм традициягә әверелеп, Туган тел көне буларак билгеләп үтелә. Быел да бәйрәмдә укучылар Г.Тукайның шигырьләрен укыдылар, шагыйрь сүзләренә язылган җырларны башкардылар, әсәрләрен сәхнәләштерделәр. Чара “Туган тел” җырын күмәк башкару белән тәмамланды.

11-13 нче апрель көннәрендә Кукмара аграр көллиятендә «Агрономия» һәм «Сити-фермерлык» компетенциясе буенча Татарстан Республикасы юниорлары арасында һөнәри осталык чемпионатының региональ этабы узды. Конкурс мәйданчыгына Кукмара, Балтач, Теләче һәм Саба районнары мәктәпләренең 8-10нчы  сыйныф укучылары килде. Чемпионатны ачу тантанасында Татарстан Республикасы Авыл хуҗалыгы һәм азык-төлек министрлыгының игенчелек тармакларын үстерү бүлеге башлыгы Садыйков Ирек Әнвәр улы катнашты. Безнең мәктәптән 10 нчы сыйныфта укучы егетләребез дә әлеге чемпионатта үзләренең көчләрен сынадылар. Хисматов Ильяс «Сити-фермерлык», Абаев Әмир «Агрономия» компетенциясе буенча I урынны яулады. Афәрин, егетләр. Чемпионатның алдагы этабында да сезгә уңышлар телибез!

С 11 по 13 апреля в Кукморском аграрном колледже прошел региональный этап чемпионата профессионального мастерства среди юниоров Республики Татарстан по компетенциям «Агрономия» и «Сити-фермерство». На конкурсную площадку приехали учащиеся 8-10 классов школ Кукморского, Балтасинского, Тюлячинского и Сабинского районов. В церемонии открытия чемпионата принял участие начальник отдела развития отраслей земледелия министерства сельского хозяйства и продовольствия Республики Татарстан Садыков Ирек Анварович. Наши ребята, которые учатся в 10 классе, тоже попробовали силы в этом чемпионате. Хисматов Ильяс занял I место по компетенции "Сити-фермерство", Абаев Амир по компетенции "Агрономия". Молодцы, ребята. Желаем вам успехов и следующем этапе! 

Әйләнә-тирә мохитне саклау – һәммәбезнең дә уртак бурычы. Ә бу без яшәгән йорттан, урамнан һәм авылдан башлана. Димәк, дөньяның экологик проблемаларын хәл итүгә без һәрберебез өлеш кертә ала.Шушыларны истә тотып, мәктәбебездә экологик өмә үткәрелде. Укучылар, укытучылар, мәктәп хезмәткәрләренең көче белән мәктәп территориясе һәм әйләнә-тирәсе җыештырылды. Мәктәп тирәсе укучыларның шат авазларыннан гөрләп торды, күңелле җырлар, музыка тавышы яңгырады. Күз ачып йомганчы территориябез кышкы кар астыннан чыккан чүп-чардан чистарынды. Өмәбезне экологик флешмоб белэн төгәлләдек. Бу өмә беренчесе һәм соңгысы булмас!

Янил авылы яныннан үтеп китүчеләрне 8 нче апрель көнне мәктәп үзенә җәлеп итми калмагандыр. Мәктәп, мәктәп инде , һәрвакыттагыча, балкып каршы ала, озата диярсез. Юк, узып баручыларны андагы Сабантуй кебек тезелеп киткән машиналар, автобусларның күп булуы аптырашта калдыргандыр, диюем иде. Нәкъ шушы көнне Р. М. Зарипов исемендәге Янил урта мәктәбендә авылыбызның игелекле эшмәкәре Рифкать Фәхретдинов исемендәге традицион районара волейбол ярышы үткәрелде. Безнең җирлек элек-электән спортның волейбол төре буенча дан тота. Әлеге ярышның мәктәбебездә 31 нче тапкыр үткәрелүе - шуның ачык мисалы. Быел да мәктәбебез районыбыз һәм күрше Балтач районыннан килгән 13 укучылар командасын сөенеп каршы алды. Нәтиҗәләргә килгәндә, кызлар командалары арасында: 1 урын - Янил урта мәктәбе, 2 урын - Чарлы урта мәктәбе, 3 урын - Кукмара аграр көллияте. Егетләр командалары арасында: 1 урын - Балтач районы Куныр урта мәктәбе, 2 урын - Арбаш урта мәктәбе, 3 урын - Кукмара аграр көллияте. Иганәчебез һәр җиңгән командага шәхсән үзе кубок һәм медальләр, акчалата бүләкләр тапшырды. Ә бүләкләү моның белән генә тәмамланмады. "Иң яхшы уенчы" исеменә кызлардан Самигуллина Алинә (Янил), егетләр арасында Михайлов Никита лаек булды. Ә "Иң яшь уенчы" лар икесе дә Янил урта мәктәбеннән иде. 2 нче сыйныф укучысы Хурамшин Нурислам һәм 3 нче сыйныф укучысы Яковлева Валерия иде. Алар көндәш командалардагы югары сыйныф укучыларына каршы торып, бик матур уен күрсәттеләр. Килгән һәр командага, катнашкан һәр укучыга, бигрәк тә ярышның төп иганәчесе булган Рифкать Шәрип улы Фәхретдиновка зур рәхмәтебезне җиткерәбез. Илләребез тыныч булып, алдагы елларда да әлеге традицион ярышыбыз дәвам итәр дигән өметтә калабыз.

2 апрель -Балалар китабы көне уңаеннан, мәктәбебез китапханәчесе Фирая Шарифулловна башлангыч сыйныф укучылары белән берлектә «Галиҗәнап дәреслек» дип исемләнгән ачык чара уздырды. Укучыларда китапка карата хөрмәт елдан-ел кимеп барган заманда, әлеге төр бәйрәмнәрнең уздырылуы бик мөһим. Безгә китапның абруен  күтәрү бик кирәк. Югыйсә, китап уку культурасы онытылып бара. Югары дәрәҗәдә оештырылган, кызыклы  әлеге чарада укучылар җырладылар да, биеделәр дә һәм төрле театраль-куелышларда да актив катнаштылар. Шулай ук башлангыч сыйныфлар арасында «Иң күп китап укучы» да билгеләнде һәм грамоталар белән бүләкләнде. Бәйрәм кунагы — авыл китапханәчесе Гөлнур Галимуллина яңа гына табадан төшкән, матур бизәлешле балалар китаплары белән таныштырды. 

30 нчы һәм 31 нче март көннәрендә бакчабызда район күләмендә  оештырылган «Татар кызчыгы-2023», «Татар малае -2023» бәйгесе югары дәрәҗәдә үтте.  Әлеге бәйге  татар халкының йөзек кашы, намусы, киләчәге булган халкыбызның милли йөзен саклап калу, гореф - гадәтләребезне, йолаларыбызны кире кайтару, телебезгә ихтирамлы мөнәсәбәт булдыру, балаларыбызны иманлы итеп тәрбияләү, гаиләләрдә халкыбызның асыл сыйфатларын күрсәтү максаты белән үткәрелде. Килгән кунаклар рухи яктан бай эчтәлекле бәйгедән  бик  канәгать булдылар. Ә бәйгедә катнашкан балалар,  сәләтләре аша узләренең милләтпәрвәр булуларын күрсәттеләр, әлеге бәйгедән зур бүләкләр белән кайтып киттеләр.

30 и 31 марта в нашем саду на высоком уровне прошли районные конкурсы «Татар кызчыгы-2023», «Татар малае-2023». Конкурс проводился с целью сохранения национального облика татарского народа, чести и будущего, возрождения традиций и обычаев, формирования уважительного отношения к языку, воспитания в вере детей, проявления в семьях благородных качеств нашего народа. Гости были очень довольны насыщенным духовным содержанием конкурса. А ребята, участвовавшие в конкурсе, показали свои таланты. И с радостью, с подарками уехали с конкурса.

25 март көнне  Зарипов Равиль Мәгъсум улы исемендәге Янил урта мәктәбендә  7 нче тапкыр Республикакүләм “Туган җир сулышы” фәнни-гамәли конференциясенең соңгы этабы булып узды. Татарстан мәгариф һәм фән министрлыгы, Кукмара районы мәгариф бүлеге оештырган бу чарага республикабызның Саба, Теләче, Балык Бистәсе, Мамадыш, Балтач, Арча, Баулы, Яшел Үзән, Норлат, Зәй, Әлмәт, Алабуга районнарыннан һәм Казан мәктәпләреннән 150гә якын укучылар, студентлар, укытучылар чыгыш ясадылар. Әлеге фәнни-гамәли конференциягә килгән барлык кунаклар да үзләренә файдалы мәгълүматлар, яңа эшләр башкарырга илһам алып киткәннәрдер дип уйлыйбыз. Тугыз секциягә бүленеп эшләгән жюри: Татарстан Республикасы Мәгариф һәм фән министрлыгының "Республика олимпиада үзәге" методисты Кашаева Равилә Галәветдин кызы, якташ язучыбыз, балалар шагыйре Рәшит Бәшәр, мәктәбебезнең элеккеге укучысы, КФУ доценты Мотигуллина Әлфия Рухулловна, журналист Райнур Кадыйр улы, “Хезмәт даны” газетасының баш мөхәррире урынбасары Нургалиева Лилия Валерьяновна, Кукмара районы мәшъгульлек үзәге бүлегенең әйдап баручы белгече Мостафина Гөлназ Саматовна, Кукмара районы мәгариф бүлеге методистлары Нәбиев Таһир Газиз улы, Нигъматуллина Энҗе Рәфкать кызы, Фаляхутдинова Гөлнара Шәүкәт кызы чыгыш ясаучыларның хезмәтен гадел бәяләргә тырышты. Чыгышлар теманың актуальлеге, материалны бәян итүнең логикалыгы, фикерләрнең һәм нәтиҗәләрнең дәлилләнүе, ораторлык сәнгатенә карап бәяләнде. Секция утырышлары тәмамланганнан соң, катнашучылар актлар залына җыелып, укучылар, укытучылар көче белән әзерләнгән концерт карап ял иттеләр.  Конференциябездә катнашкан һәркем Татарстан мәгариф һәм фән министрлыгы грамоталары белән бүләкләнде.

Р. М. Зарипов исемендәге Янил урта мәктәбе укучылары даими рәвештә төрле конкурсларда, уен-бәйгеләрдә катнашып килә. Узган атнада 6 нчы сыйныфы укучылары Татарстан Яңа Гасыр телерадиокомпаниясенең мәктәп яшендәге балалар өчен булган “Тамчы шоу” интеллектуаль-күңел ачу тапшыруында катнашты. Тапшыруда әлеге сыйныфтан ике команда үзара көч сынашты. Уен барлыгы 4 турда барды. Беренче турда командаларга 12 тема буенча сораулар чиратлап бирелде. Икенче турда катнашучыларның белемнәре генә түгел, тизлекләре дә тикшерелде. Дүртенче турда һәр командадагы берәр укучы 30 секунд эчендә экранга арты белән баскан укучыларга сүзнең атамасын әйтми генә аңлатып бирергә тиеш иде. Укучылар бәйгедә үз осталыкларын күрсәтте, сорауларга төгәл җавап бирде. Нәтиҗәдә ике команда да бер үк күләмдә балл җыйдылар. Бәйгегә укучыларны татар теле һәм әдәбияты укытучысы Хисмәтова Айсылу Хадиулла кызы һәм педагог-оештыручы Галимуллина Энҗе Гарәфетдин кызы әзерләде.

В рамках предметной недели географии прошел конкурс по сбору спилс-карт.

География атналыгы кысаларында спилс карта жыю бәйгесе үтте.