14 декабрь көнне мәктәбебездә зур иҗат бәйрәме булып узды.

Мәгълүм булганча, «Мәгариф» журналы  республикабызның Уйлап табучылар җәмгыяте белән берлектә «Яшь кулибинчылар-2016» конкурсы уздырып килә. Моңарчы аңа йомгак ясау Арча, Мамадыш, Менделееск, Аксубай районнарында үткән булган. Быел менә безнең Кукмара төбәгендә. Аның да әле нәкъ менә безнең Зур Кукмара урта мәктәбендә. Моның үзенә күрә сере дә бар: бәйгенең быелгы абсолют җиңүчесе мәктәбебезнең 10 сыйныф укучысы Мөхәммәтгалиев Илсаф.

Җиңүчеләрне бүләкләү тантанасы кысаларында районыбызның 2016 елдагы иң яхшы яшь уйлап табучысын ачыклау максатыннан районкүләм “Яшь уйлап табучылар” бәйгесе үтте. Әлеге бәйгедә катнашырга  районыбыз мәктәпләреннән 15 укучы, укучылар коллективы үз эшләрен тәкъдим итте.

Бәйрәмебезнең мәртәбәле кунаклары буларак катнаштылар:

- Кукмара муниципаль районы башкарма комитетының  мәгариф идарәсе җитәкчесе Мансуров Роберт Мияссарович,

- Кукмара муниципаль районы Мәктәптән тыш эшләр үзәге вәкилләре,

- Татарстан уйлап табучылар һәм рационализаторлар җәмгыяте президенты Әюпов Мөхәммәт Йосыф улы,

- Казан дәүләт энергетика университеты доценты, Татарстанның атказанган уйлап табучысы, техник фәннәр кандидаты, шагыйрь, «Яшь кулибинчылар- 2016» конкурсының жюри рәисе Нуруллин Ринат Гали улы,

- «Мәгариф» журналының бүлек мөхәррире Сабирҗанов Таһир Әюп улы.

“Яшь уйлап табучылар” бәйгесе җиңүчеләре:

1 урын – Кукмара 4 нче урта мәктәбе укучысы Ахмадуллин Алмаз,

2 урын – Зур Кукмара урта мәктәбе укучысы Галимбиков Салават,

2 урын – Нырья урта мәктәбе укучысы Осипов Дмитрий,

3 урын – Мәмәшир урта мәктәбе укучысы Мутигуллин Раиф,

3 урын – Түбән Өскебаш урта мәктәбе укучысы Гасимов Искәндәр,

3 урын – Кәркәвеч урта мәктәбе укучылары Бикмухаметов Раиль, Мингалиев Алмаз,

3 урын – Байлангар урта мәктәбе укучысы Хисамиев Рузил

Катнашучыларга иҗади уңышлар теләп калабыз!