12 нче ноябрьдэ Олы Кайбыч авылының  «Милэшкэй» балалар бакчасында  «Унышка юл» программасы нигезендэ  балалар бакчасы  житэкчелэре очен тренинглар узды. Әлеге программа төрле яшьләрдәге балалар төркемнәренә исәпләнгән. Ул үзенә лекцияләр, әңгәмәләр генә түгел, ә бик күп төрле чараларны да колачлый: консультацияләр, ток-шоу, төркемнәрдә төрле чаралар, эшлекле уен һәм башка чаралар. "Ин-концепт” психологик-педагогик үзәк белгече . Бу семинарда балалар белән эшләүнең төрле форма һәм методлары күрсәтелде, ата-аналар белән эшнең бик күп методик формалары тәкъдим ителде. 

Ихлас күңелдән

Кошман “Тиенкәй” балалар бакчасы мәктәп белән бер түбә астында урнашкан. Шөкер, бакчага йөрүче балалар саны кимеми, ә арта гына бара. Бу бик куанычлы хәл, әлбәттә. Без, балалар бакчасы коллективы, әти-әниләр белән аңлашып, үзара ярдәмләшеп эшләргә тырышабыз.  Алтын куллы, уңган әти-әниләр – чын мәгънәсендә булышчыларыбыз, эшне башлап йөрүчеләр дә алар. Ярдәм сорап мөрәҗәгать иткәндә гозеребезгә гел колак салалар.

Бина эчендәге ремонт эшләрен дә алар тырышлыгы белән башкардык. Җәйге көннәрдә комда уйнаганда эссе кояш нурларыннан ышыкланыр өчен балаларга матур итеп беседкасын да ясады әтиләр.

Бакчаның тирә-ягын әйләндереп алган рәшәткә бик нык искергән иде. Ул балалар өчен куркыныч тудырды. Аны тулысынча профнастил калай белән алмаштыру, моның-өчен барлык кирәк- яраклар алу чыгымнарын эшмәкәр Альберт Хәялиев үз өстенә алды. Әлеге изге гамәле өчен бик зур рәхмәт аңа.

Безгә һәрвакыт ярдәм итәргә әзер булган район башлыгы Альберт Рәхматуллин, мәгариф бүлеге начальнигы Илдар Шакиров, Әбрар Сәгыйди исемендәге Кошман төп гомуми белем мәктәбе директоры Илмас Хәмидуллин да шулай ук мактауга лаек. Алар һәрбер башлангычыбызны күтәреп алып, безгә ныклы таяныч булып тора.

Киләчәгебез булган балаларның матур, уңайлы бакчагы йөрүләре өчен бар күңелләрен, җаннарын биреп тырышкан әти-әниләргә һәм алда санап үткән җитәкчеләребезгә олы рәхмәтебезне җиткерәбез.  

··