"Кояш гомере телим мин,әнием сиңа!" дип исемләнгән кичәгә әниләр,укытучылар,укучылар килде. Без  өйрәнгән шигырьләребезне, җырларыбызны татар һәм рус телләрендә дөньядагы иң мәрхәмәтле, иң гүзәл кешеләребез- әниләргә багышладык.

Әниебез янда булганда "Есть у меня мамочка" рус халык җырын да бик оста башкардык.

      Без 1 нче сыйныфларның "Әлифба бәйрәме"ндә кунакта булдык. Мәктәптә белем алу бик мавыктыргыч  икән ул.Башлангыч сыйныфларның җырларына,биюләренә,белемнәренә карап сокландык.Без дә киләчәктә тырыш укучылар булырбыз дип сүз бирдек аларга.

        Без түземсезлек белән язның беренче бәйрәме-8мартны көтәбез .Нәни кулларыбыз белән әниләргә,апаларга бик тырышып бүләкләр әзерләдек. Ә тәрбияче апабыз безгә булышып торды.

         Менә март-матур да аяк басты туган ягыбызга. Без  тәрбияче апабыз белән көн дә саф һавада уеннар уйнарга чыгабыз.Кар өстендә уйнавы бик күңелле!Сагындырыр әле ап-ак карлар!

Котлы булсын,әтиләр,  бәйрәм көнегез,

Без барыбыз да шул теләктә.

Бүгенгедәй елмайган йөзегез

Шатлык өсти безнең йөрәккә.

Тормышта гел  ныклы терәк сез,

Безнең өчен һәрчак кирәк сез!