Иске Юраш мәдәният сараенда авылның смотр-концерты булып узды. Безнең кечкенә генә артистларыбыз да үзләреннән өлеш керттеләр. Алар "Әй, әбием, әбекәй"  җыры белән бәйрәмне башлап җибәрделәр. Әфәрин, балалар! Киләчәктә дә уңышлар телибез сезгә.

Бөҗәкләр дә уяна башладылар. Балалар белән яз килүенә сөенеп  көн саен яңа яңалыклар ачабыз. "Солдатик"ларның уянганын инде байтактан күрсәк тә, күбәләкләрне күргәч бигрәк сөендек. Күбәләкне бүлмәбезгә алып кергәч, ул рәхәтләнеп очып, балаларыбызны куандырды.

Саф һавада уйнавы бигрәк рәхәт. Уйнап кына калмыйбыз, төрле кызыклы ярышлар да үткәрәбез. Балалар бигрәк йөгерергә яраталар. Зурларыбыз гына түгел, кечкенәләребез дә йөгерергә өйрәнделәр. Урамда мондый ярышлар үткәреп, сәламәтлегебезне ныгытабыз.

Балалар язны сагындылар. Кечкенәләр кояшны матур итеп буясалар, зурларыбыз чәчәкләр төшерделәр.

Күчмә кошларыбыз туган якларына кайта башладылар. Беренчеләрдән булып кара каргаларыбыз кайттылар. Озакламастан җырчы сыерчыкларыбыз да килерләр. Балалар бик матур итеп кошларыбызның рәсемнәрен альбом битләренә төшерделәр. Кайтыгыз кошкайларыбыз, кайтыгыз, без сезне бик сагындык.

Савытка боз кисәге салдык. Эрүен күзәттек. Кар кебек тиз эредеме? Эрегәч, нәрсәгә әверелде? Карның да, бозның да суга әверелгәнен белдек.

Кар эретеп чыккан умырзая

Нинди батыр, нинди сөйкемле!

Нечкә хисле, тәвәккәл һәм назлы

Хатын-кызның үзе шикелле.

Хөрмәтле кызлар, әниләр!

Көннең яктылыгы кояшта,

Күкнең матурлыгы йолдызларда,

Җир йөзенең гүзәллеге - хатын-кызларда.

Сезне шул җир йөзен бизәгән 8 Март - халыкара хатын-кызлар көне белән тәбриклибез! Бәйрәмнең кайсы да тәнгә җиңеллек, рәхәтлек, җанга ял алып килә. Шушы бәйрәм көне елмаеп баткан кояш матурлыгын, табигатьнең самимилеген өстәп, күңелегезгә шатлык, тәнегезгә сихәтлек, өегезгә иминлек алып килсен!