Яңа кайткан уенчыклар белән балалар рәхәтләнеп уйныйлар. Счетта чутлап, санарга өйрәнәбез.

Таудан выжылдап төшеп китәбез,

Нәкъ апа торган җиргә җитәбез.

Гаяз да шуа, Зилә дә шуа,

Альмир аларның артыннан куа.

Грипптан һәм тирән сулыш юллары вируслы инфекцияләреннән саклану һәм профилактика үткәрү кышкы чорда иң мөһим мәсьәләләрнең берсе булып санала.

Салкын саф һава,

Йомшак кар ява.

Урамга чыксаң,

Битләр кызара.

Кар бөртекләре

Өстеңә куна.

Үзләре матур

Һәм салкын була.

"Дустың үзеңнән яхшы булсын!" темасына үткән шөгылебез бик мавыктыргычлы узды. Балалар әкият карап, бирелгән сорауларга тулы, аңлап җавап бирделәр. Соңыннан әкиятне рольләргә бүлеп уйнадык.

Мәдәният йортында чыршы белән саубуллашып, төрле уеннар, әйлән-бәйләннәр уйнап, үзебезнең һөнәрләребезне күрсәтеп, Кыш бабайдан күчтәнәчләр алып рәхәтләнеп күңел ачып кайттык.

Ап-ак карлар ява...

Күрәсезме?

Иске Яңа ел ишек кага... 

Ишетәсезме?

Нык исәнлек, бәхет,

шатлык-куанычлар теләп килгән...

Кертегез өйгә! Узсын түргә!

Исәнлектә, байлыкта һәм муллыкта яшәргә язсын барыбызга!

Күрегез безнең чыршыны,

Ничек матур киенгән!