Россия Федерациясенең Мәгариф һәм Фән министрлыгы 2017 нче елның 9 нчы гыйнвар боерыгы буенча «О внесении изменения в порядок заполнения, учета и выдачи аттестатов об основном общем и среднем общем образовании и их дубликатов, утвержденный приказом Министерства образования и науки Российской Федерации от 14 февраля 2014 г. № 115» 9 нчы сыйныфта рус теле, математика һәм укучы тарафыннан сайланган ике фәннән гомуми билгеләр еллык һәм имтихан билгеләренең уртача арифметик саны буларак билгеләнә һәм аттестатка бербөтен сан буларак куела.

Учащиеся 4 класса нашей гимназии стали обладателями подарочного сертификата на посещение Музея Памяти с экскурсией. Это уникальная возможность познакомиться с периодом Великой Отечественной войны, отражённым в судьбе города Елабуга, с личностями, сыгравшими в ней важную роль. Экскурсия ребятам очень понравилась.

Туган тел атналыгы кысаларында 7 сыйныфта «Тамчы шоу» исемендәге интелектуаль уен үткәрелде. Әлеге уен  укучыларда Республикабызга, татар теленә карата, аның рухи байлыкларына, күренекле шәхесләренә карата ихтирам, хөрмәт, горурлык һәм мәхәббәт хисләре тәрбияләү чарасы булып торды. 7 сыйныф укучылары 2 командага бүленде: “Бердәмлек” һәм “Дуслык”. Алар үзара үткерлектә, зирәклелектә һәм татар телен белүдә көч сынаштылар. Моның өчен алар төрледән-төрле кызыклы биремнәр башкардылар. Татар теле, әдәбияты буенча сорауларга җавап бирделәр, игътибарлык бәйгесе кысаларында әдәбиятыбызның күренекле язучыларын, аларның иҗат җимешләрен рәсемнәргә карап танырга тиеш булдылар. “Башы телемдә, ахыры төендә” исемле бәйгедә татар халык мәкальләрен дәвам иттеләр, табышмакларга җавап бирделәр. “Күбрәк сүз тап” турында бер сүздән яңа сүзләр төзеп, үзләренең татар телен белү дәрәҗәсен, тел байлыкларын күрсәттеләр. Азактан капитаннар ярышы булды, анда татар теле, татар әдәбиятына кагылышлы сораулар яңгырады. “Тамчы шоу” интеллектуаль уенында “Бердәмлек” командасының җиңү яулады. Алар, шул рәвешле, “Бердәмлектә безнең көч” дигән девизларына тугры калып, үзләренең чыннан да бердәм команда булуларын исбатладылар.

Бүген Казан федераль университетының Алабуга филиалында язучы, шагыйрь, Г. Тукай исемендәге дәүләт премиясе лауреаты һ.б. исемнәргә лаек булган Разил Вәлиев белән очрашу булды. Разил абый үзенең шигырьләрен укыды, балачагыннан, мәктәп елларыннан, гомумән, тормышыннан кызыклы хәлләр сөйләде. Һәм очрашуга кадәр булган универсиадада җиңүчеләрне котлады. Бу универсиадада безнең гимназия укучылары да катнашты.

Бүген Туган тел айлыгы кысаларында 6 нчы сыйныфларда "Йолдыз сәгате" уены узды. Укучылар ике төркемгә аерылып көч сынаштылар. Уенның беренче өлешендә балалар озын сүздән яңа сүзләр төзеделәр. Икенче өлештә табышмакларга җавап бирделәр. Өченче өлештә  тизәйткечләр буенча рәсемнәр ясадылар. Уен беткәч, диплом һәм тәмле бүләкләр алдылар.

Бүген Туган тел айлыгы кысаларында "Тел белгечләре" бәйгесе узды. Бәйгедә укучылар ике командага бүленделәр. Һәр команда үз исемен, девизын, эмблемасын тәкъдим итте. Бәйгенең беренче турында командалар татар һәм рус шагыйрьләренең буталган шигырьләрен дөрес җыярга тиешләр иде. Икенче турда татар һәм рус әдәбияты әсәрләреннән китерелгән өзекләрдән төшеп калган геройларның исемнәрен язарга кирәк иде. Бәйге ахырында нәтиҗәләр ясалды: 1 нче һәм 2 нче урыннар билгеләнде.  

Бүген туган тел айлыгы кысаларында 5 нче сыйныфларда "Әкиятләр иленә сәяхәт" викторинасы узды. Укучылар әкиятләр буенча сорауларга җавап эзләделәр, татар халык әкиятләрен үзләре дәвам итеп сөйләделәр. "Иң оста сөйләүче", рәсемгә карап, "Әкиятнең исемен әйт", "Бу өзек нинди әкияттән?", "Артык сүзне тап", "Әкиятләрнең авторын бел" исемле биремнәрдә бик теләп катнаштылар.

Бүген бөек шагыйрь, Советлар Союзы Герое Муса Җәлилнең туган көне. Аңа багышлап, гимназиябезнең һәр сыйныфында шагыйрь турында сыйныф сәгатьләре узды. Укучылар шагыйрьнең балачагы, матур гына башланган тормышы һәм фаҗигале үлеме турында  әңгәмәдә катнаштылар, видеоязмалар карадылар.