Яшим халкым өчен, көчләр табам мин,
Халык өчен һаман алга барам мин...

“Чиста авыл синнән башлана” дигән акциядә актив катнашкан өчен 4 нче сыйныф укучылары “Юбилейный” боз сараена бару өчен сертификат белән бүләкләнгәннәр иде. Шул нисбәттән балалар анда барып күңелләре булганчы шуып кайттылар.

Беренче класста гына укысак та без төрле конкурсларда катнашабыз. Уңышларыбыз да бар.

Укытучы һөнәре - җир йөзендәге иң гүзәл һөнәрләрнең берсе. Шуңадамы, бу һөнәрне үз итеп, туган авылына укытучы булып кайта Кадрия Ильяс кызы. Шул еллардан бирле оста оештыручы да, алыштырмас класс җитәкчесе дә ул.

Беренче класс укучылары каникулны файдалы итеп уздыралар. Китапханәгә оештырылган экскурсиядә Гөлнара Марсель кызы укучыларыбызга беренче китапларның барлыкка килүе турында күп мәгълүмат бирде. 

9 нчы февраль көнне Чирмешән муниципаль районында укучылар һәм өлкән яшьтәге кешеләр арасында чаңгы ярышы булып узды.

8 февраль көнне коллегабыз Сафина Кадрия Ильяс кызы Бәркәтә урта мәктәбендә үткән “Ел укытучысы” конкурсының “Класс җитәкчесе” номинациясендә куст этабында катнашты. Хезмәттәшебез анда 7нче сыйныф укучылары белән “Кешелекле булыйм дисәң” темасына ачык сыйныф сәгате күрсәтте.

"Чиста авыл бездән башлана" акциясе кысаларында эшне дәвам итеп, Туймәт мәктәбе укучылары 2 февральдән 9 февраль  аралыгында 129,3  кг макулатура, 11,3  кг пластик җыйдылар. 

"Чиста авыл синнән башлана!" акциясе үз эшен дәвам итә.Мәктәбебез укучылары тарафыннан гыйнвар ае барышында 706 кг макулатура һәм 60,5 кг пластик тупланган. 

Бүген районда “Минем Ватаным” дип исемләнгән шигырь конкурсы булды. Башлангыч класс укучылары арасында үткәрелгән бу конкурста безнең мәктәптән Галимов Фидаил һәм Мортазин Камил катнашты.