муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан»
Решаем вместе
Есть предложения по организации учебного процесса или знаете, как сделать школу лучше?
Визитная карточка
| Адрес: | 422410, РТ, Буинский район, с.Нижний Наратбаш, ул.Советская, 1А |
| Телефон: | +7(843)-744-22-54 |
| E-Mail: | sch669@list.ru,Snn.Bui@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Нижне-Наратбашская ООШ Буинского муниципального района РТ" |
| Руководитель: | Гарипов Раиф Рашатович |
| Год основания учреждения: | 1975 |
| У нас учатся: | 40 |
| У нас учат: | 18 |
муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан» - новости
Страницы: << 221 222 223 224 225 226 227 ( 228 ) 229 230 >>
-
10 майдан 20 майга чаклы мәктәп республикакүләм “Тукта, ВИЧ! ” акциясендә катнаша . Планлаштырылган тәрбия чараларының төп максаты : укучыларда сәламәт яшәү рәвеше тәрбияләү, спорт белән дус булырга өйрәтү, тормышта зарарлы гадәтләргә каршы тора алу сәләте тәрбияләү. Сыйныфларда әңгәмәләр, иҗади бәйгеләр оештыру күздә тотыла. Ункөнлек кысасында барлык сыйныф укучылары да язгы ГТО нормаларын тапшырачак , җиңел атлетика буенча кросста атнашачак. 14.05.2016
-
49 - нчы район туристик слётында мәктәпнең спортсмен егет һәм кызлары Ахатова Энҗе, Вәлиев Әлфис, Вәлиев Инсаф, Бикчәнтәев Ранис, Кадыйров Фаил, Хәйретдинова Эльвира уңышлы катнашты. Җитәкчеләре Вилданов И.М. белән укучылар алдан ук уздырылган спорт чараларыннан репортаж , махсус туристик дивар газетасы , бәйгегә фотографияләр , визитка ясадылар; кухня һәм палаткалар бәйгесенә ныклап әзерләнделәр. Һава торышының кинәт үзгәреп китүе генә укучыларның слётын кыскартты . Ләкин алынган очрашу шатлыгы, спорт күнекмәләре аларның күңелен бер дә төшермәде. Яңгырлар булу сәбәпле нәтиҗәләр әле ясалмаган, ләкин безнең уңышларга өмет зур! Мәктәп администрациясе транспорт буенча бару- кайтуда булышучы Вәлиева Әзинә Сәлимҗан кызына Рәхмәт белдерә. 14.05.2016
-
11 нче майдан 15 нче майга чаклы мәктәптә “Гаилә . Гаилә кыйммәтләре белән танышу һәм барлау” дип аталган тәрбия чаралары уздырыла. Шушы эшчәнлек кысасында 13 нче май көнне Буа шәһәре ЗАГС идарәсе уздырган “Язмышның гүзәл мизгелләре” дип аталган фотографияләр бәйгесендә актив һәм нәтиҗәле катнашучы укучыларны бүләкләү тантанасы булды. Нәтиҗәләр дә матур: 3 сыйныф җитәкчесе Әхмәтшина Л.С. укучылары Камалова Зилә - 2 урын, Гафиятуллина Сылу – 3 урын, Хәйретдинова Адилә – 3 урын; 8 сыйныф укучысы Хәйретдинова Эльвира – 3 урын (Җитәкчесе: Гыйзәтуллина Г.Р.) яуладылар. Шулай ук катнашучы Сертификаты белән 3 сыйныф укучысы Садыйкова Гүзәл һәм Әхмәтшиннар гаиләсе бүләкләнде. Җиңүчеләр дивар сәгате һәм Мактау грамоталары белән бүләкләнделәр. Укучыларны чарага алып баруны - алып кайтуны оештыруда транспорт белән ярдәм итүче Хәйретдинова Гөлсирә Наил кызына мәктәп администрациясе Рәхмәтен белдерә. 14.05.2016
-
Менә ул "Үлемсез полк" ! 10.05.2016
-
Бөек Җиңү көне! Бу сүз йөрәкләргә мәңгелеккә уелган. Хезмәт һәм тыл ветераны Фәһимә Гозәерова белән очрашуга барды 9 сыйныф укучылары: күчтәнәчләр тапшырдылар, капкага наклейка ябыштырдылар, ветеранны чәчәккә күмделәр. Очрашуны сыйныф җитәкчесе Шәрәфетдинова Л.Г. оештырды. 10.05.2016
-
Бәйрәмнең дулкынландыргыч мизгелләре! 10.05.2016
-
“Җиңү язы” (Победная весна) акциясе кысасында 9 май көнне мәктәп укучылары иртәнге 8 сәгатьтә берсеннән - берсе матуррак аллы-гөлле чәчәк букетларына күмелеп , сугышта үлеп калган яисә сугыштан соң безнең көннәргә чаклы яшәп җитмәгән туганнарының, якыннарының фотографияләрен күтәреп килделәр. Барлык сыйныф укучылары , укытучылар һәм хезмәткәрләр коллективы, әти-әниләр бердәм булып “Үлемсез полк” (“Бессмертный полк” ) маршына бастылар. Маршрутның беренче өлеше МӘКТӘП- БИКМУРАЗ АВЫЛЫ, икенче өлеше- МӘКТӘП-НАРАТБАШ АВЫЛЫ буенча булды. Полк чып - чын сугышчан полк кебек хәрбиләр строе белән тигез рәтләрдә барды; аның составында катнашучылар җитди, җавапчан : “Җиңү безгә җиңел бирелмәде! Җиңүне онытырга беркемнең дә хакы юк! Җиңү кырында ятып калучылар үлемсез!” дигән сүзләр һәркемнең йөрәгеннән ургылып бәйрәм рухына кушылды! 09.05.2016
-
“Үлемсез полк” маршыннан соң Бөек Җиңүнең 71 - еллыгына багышланган Хәтер митингы башланды. Матур рәтләргә тезелеп укучылар бәйрәм түренә сугыш һәм хезмәт ветераннарын каршы алдылар. Тантаналы рәвештә барлык бәйрәмдә катнашучыларга 6-7 сыйныф укучылары шигырь бүләк иттеләр, 8 сыйныф укучылары һәйкәлгә веноклар куйдылар, 1-5 сыйныф укучылары барлык килгән кунакларны чәчәкләргә күмделәр. Ә мәңгелек ут янында - Хәтер вахтасында, хәрби киемнәрдән чын солдатларча 9 сыйныф егет һәм кызлары постта торды. Искә алу митингы югары дәрәҗәдә оешкан рәвештә узу уңаеннан мәктәп администрациясе һәрбер сыйныф җитәкчесенә Рәхмәтен белдерә, тәрбияви эшчәнлекләрендә уңышлар тели. 09.05.2016
-
9 сыйныф укучылары арасында һөнәр сайлауга багышланган төрле чаралар күп уздырыла. Шушы көннәрдә республика тестлаштыру үзәге җибәргән тестлар буенча һөнәри мониторинг оештырылды. Укучылар 200 сорауга җавап бирделәр, киләчәктә сайларга уйлаган эш юнәлешен барладылар, тормышта сайлау мөмкинлеге булган һөнәрләр белән таныштылар. 08.05.2016
-
Хәтер вахтасы кысасында укучылар авылыбызда яшәгән сугыш ветераннарын даими рәвештә барлап, кайгыртып торалар. Аларның өйләрендә булалар, бәйрәмнәр белән котлыйлар, очрашуларга чакыралар. Менә чираттагы шундый тәрбия чарасы мәктәптә гөрләп үтте. “Җиңү безгә җиңел бирелмәде!” дип исемләнгән очрашуга җирлегебездә яшәүче бердәнбер Бөек Ватан сугышы ветераны Сибгатуллин Рәшит Гыйниятулла улы килде. Калинин фронтында сугышып, Берлинга барып җиткән каһарманга 93 яшь! Ләкин ул әле бүген дә укучылар өчен ялкынлы патриот, тырыш һәм уңган авылдаш, нык гаилә нигезе. Ул үзенең тормыш юлы турында бик кызык һәм мавыктыргыч итеп сөйләде, барлык сорауларга җавап бирде. Балалар аның һәр сүзен йотлыгып тыңлады, бәйрәм белән котлап аны кочакларынына алдылар, ветераныбызны аллы-гөлле чәчкәләргә күмделәр. 2-4 сыйныф укучылары матур җырларын, 6-7 сыйныф укучылары шигырьләрен бүләк иттеләр. Һәр сыйныф махсус котлау сүзләре җиткерде. Бәйрәм фотога төшү белән аралаштырылып алып барылды һәм чәй өстәле артында төгәлләнде. Җиңүгә багышланган чаралар мәктәптә дәвам итә. ”Үлемсез полк” акциясенә , Хәтер вахтасына”, тантаналы митингка әзерлек алып барыла. 08.05.2016
