19 май көнне лицей‑интернат укучылары мөһим сәяхәткә чыктылар. Бу сөекле шагыйребез Габдулла Тукай тууына 140 ел тулу уңаеннан истәлекле көн булды, ә укучылар аны бөек татар шагыры Габдулла Тукайның музейына бару белән истә калдырдылар.
Музейда укучылар шагыйрьнең тормыш юлына багышланган истәлекләр белән таныштылар, аның бай иҗатын якыннан өйрәнделәр. Алар 3D форматтагы видеолар карап, Габдулла Тукай иҗатына тагын да якыннан күз салдылар.
Музейның матур урынга урнашуы укучыларны бик сокландырды. Балалар аерым горурлык кичерделәр: анда якташыбыз, танылган сынчы Бакый Урманчының агачтан ясалган матур әсәрләре тәкъдим ителгән иде.
Шулай ук укучылар Сәгьди абзый музеенда да күңелләренә якын булган әйберләр күрделәр. Анда татар халкына хас уникаль предметлар күргәзмәләнгән иде. Бу әйберләр күп гаиләләрдә әби‑бабаларыбыз тарафыннан сакланып килгән мирасның бер өлеше буларак санала. Укучылар үзләренең әби‑бабаларының шушындай әйберләрне кулланып гомер кичергәннәрен дә аңладылар — бу аларга тарих белән тыгызрак бәйләнешне тоергә ярдәм итте.
Барлык сәяхәт бик кызык һәм мавыктыргыч үтте. Укучылар күп яңа мәгълүмат алды, күңелле вакыт үткәрде.
Сәяхәтнең икенче өлешендә укучылар Казанның күңел ачу урыны — «Мазапарк»та күңел ачтылар. Паркның төрле уеннары һәм атракционнары балаларның көчле шатлык кичерүенә сәбәп булды: аларга бик ошады!
Бу мавыктыргыч сәяхәт оештыруда катнашкан һәм аны уңышлы уздыру өчен күп көч салган оештыручыларга укучылар чиксез рәхмәт белдерәләр.