21 февраль — Халыкара Туган телләр көне. Бу истәлекле дата уңаеннан безнең лицей-интернатта төрле тантаналы һәм кызыклы чаралар узды.
Бу көнне уку көне гадәттәгечә түгел, ә дәресләрне Габдулла Тукайның "Туган тел" җырын җырлап, туган телебезгә карата кереш сүзләр һәм җылы теләкләр белән башланды. Балалар үзләренең яраткан шагыйрьләренең шигырьләрен зур горурлык белән сөйләделәр, туган телебезнең матурлыгын һәм байлыгын күрсәттеләр.
Бәйрәм программасы бик бай һәм күптөрле булды:
• Укучылар «Башваткыч» интеллектуаль уенында катнашып, үзләренең тапкырлыкларын һәм белемнәрен сынадылар.
• Туган телдә төрле кызыклы һәм үрнәк алырлык әкиятләр, презентацияләр карадылар.
Мондый чаралар укучыларда туган телгә карата мәхәббәт һәм хөрмәт тәрбияли, милли горурлык хисен арттыра. Балалар үткәрелгән чаралардан бик канәгать калдылар һәм күтәренке кәеф алдылар!