19 нчы декабрьдә ЕГЭ , ОГЭ га әзерлек  һәм яңа таләпләр белән танышуга карата  9-11 сыйныф укучылары һәм   ата -аналары катнашында  түгәрәк өстәл артында сөйләшү булды . Завуч Р.Ф. Хәйруллина пробный  ЕГЭ һәм ОГЭ 9 сыйныфта тестирование нәтиҗәләре белән таныштырды . Ата -аналарны да укучыларны  да төп имтиханнарда сынатмаска , ирешелгән югары баскычларны саклап калырга чакырды . 

Авылдашыбыз Динә апа Ясәвиеваның "Онытмагыз мине , туганнар !" дигән шигерьләр җыентыгы басылып чыкты . Җыетыкта туган як , туган тел , әти-әни , туганнар , тормыш , яшәү турында шигерьләр тупланган . Ул 5 данә шигерьләр җыентыгын Аксу урта мәктәбенә дә бүләк итте . Динә апа Аксу авылында туып үскән . Күп балалы гаиләдә тәрбияләнгән . Алар 7 туган булалар . Бүгенге көндә Динә апа Яшел Үзән шәһәрендә яши . Авылыбызда аның Дамирә исемле сеңлесе , Әскать исемле энесе яши .Динә апа шул туганнарына кайтып йөри .  

Авылдашыбыз Рипат абый Мингалиевның бик күп эзләнүләре , сәяхәтләре һәм тырышлыклары нәтиҗәсе булган "Борһан Шаһиди . Тормышта калдырга эзләр " дигән зур күләмле тарихи яктан  да , әдәби яктан да бик кирәкле , кыйммәтле китабы дөнья күрде . Безнең мәктәпкәдә Ринат абый 10 китап бүләк итте . Китапта татар халкының асыл улы , Кытайның күренекле  дәүләт эшлеклесе , галим һәм язучы , күп телләр белгече һәм тәрҗемәче , чыгышы белән Буа районы Кишер Аксуы авылыннан булган Борһан  Шаһидинең тормыш юлы һәм әтрафлы  эшчәнлеге яктыртыла .

Декабрьнең  4 -12 сенә кадәр “Час кода “ дип аталган проект башланды. Бездә шушы проектка катнашып мәктәп күләмендә  класс  сәгатьләре үткәрдек . Класс җитәкчеләре һәм информатика укытучылары  укучыларны проектка ничек регистрация үтәргә. Аннан соң укучыларның яшенә карап ике (лабиринт Ам Няма ) ,(Мир KODU) уенны уйнап карарга өйрәттеләр . Соңыннан видеофильм карадылар .

Инвалидлар декадасы кысаларында укучыларыбыз матур концерт программасы белән классташлары, дуслары Айсылу янына кунакка бардылар. Аны матур -матур җырлары, дәртле биюләре белән куандырдылар. Концертта Гатиятуллина Лилия, Камалиева Лилия, Салаватуллина Альбина, Хасанова Гөлнур, Нургалиева Рәфия, Йосыпова Ландыш - 8 сыйныф укучылары, ә 10 сыйныфтан Замалтдинова Алсинә, Шәрәфетдинова Рания катнаштылар. Айсылу аларның чыгышларын бик кызыксынып, яратып карады, үзе дә аларга кушылып җырлады.

3 декабрь – Россия Федерациясендә “Билгесез солдат көне” истәлекле датасы билгеләп үтелә башлады. Шул уңайдан мәктәбебездә батырлык дәресе уздырылды.Тарих укытучысы Камалиева Гүзәл Җәвит кызы бу истәлекле көннең тарихын аңлатып видео – презентация күрсәтте.

Мәктәбебездә Әниләр бәйрәме уңае белән "Әдәбиятта һәм сәнгатьтә Ана образы " дигән темага китап укучылар конференциясе булды .  Ә. Еникинең "Әйтелмәгән васыять " , Т .Миңнуллинның "Әниләр һәм бәбиләр" , Ш.Хөсәеновның "Әниемнең ак күлмәге " әсәрләре турында чыгышлар ясадык , өзекләр күрсәттек . Р Миңнуллин, Ф . Яруллин , С. Хәкимнең Әниләргә багышланган шигерьләрен сөйләдек . Әниләргә багышланган матур-матур җырлар башкардык . Конференцияне татар теле укытучысы Р.Ф . Хәруллина алып барды . 

Мәмдәлдән тагын Җиңү белән !  28 ноябрьдә Биектау районы Мәмдәл урта мәктәбендә республикакүләм укучыларның "Мин авылны сайлыйм - 2014" проект- тикшерү эшләре конкурсында ( В номинации «Организация личного или фермерского хозяйства» ) катнашып 5,8  сыйныф укучылары Илфат һәм Альбина    Салаватуллинннар икенче  урынга лаек булдылар. Җитәкчесе: Нурмухаметов И.Г. Афәрин!!!!

1 нче чирек нәтиҗәләре буенча мәктәбебездә ата-аналар җыелышы узды. Мәктәп администрациясе тарафыннан эшләнгән эшләргә анализ ясалды. Җыелышта барлык ата-аналар актив катнаштылар.Җәмгыять белеме укытучысы Камалиева Г.З. тарафыннан “Кайгы җиле ишек какмасын”темасына доклад укылды. ЗДВР Идиятуллина Г.Т.чыгышы ата-аналарда  зур кызыксыну уятты.

24 ноябрь көнне Аксу мәдәният йортында мәктәбебезнең 5 сыйныф укучылары һәм мәдәният йорты,авыл китапханәсе тарафыннан оештырылган “ Әнием,күз нурым!” дип исемләнгән аналар көненә багышланган зур бәйрәм кичәсе оештырылды.Балалар “Ялкын” һәм “Очкын” төркемнәренә бүленеп ярыштылар.Бәйрәм чәй табыны һәм әниләр белән берлектә күңелле җырлы-биюле уеннар белән дәвам итте.