22нче сентябрь Татарстан варислары берлегең туган көненә һәм Сәламәтлек көненә багышланган ЗУР җыен үткәрелде. Чара табигать кочагында - урманда үтте. Төрле эстафеталар, ярышлар, кызыклы уеннар балалрга ошады. Алар көзге урманда рәхәтләнеп ял иттеләр, учакта бәрәңге пешерделәр, фотога төштеләр. Иң кызыгы: укучылар 2013 елда Казанда узачак Универсиада логотипындагы латин "тере" U хәрефен ясадылар.

9 сентябрь - Халыкара матурлык көне. Гадәттә бу көнне күп илләрдә матурлык бәйгеләре уздырыла. Бу көнгә багышлап, "Иң матур чәчәк бәйләме" конкурсы үткәрү мәктәбебездә традициягә керде. Быел да   укучылар анда бик теләп катнаштылар.

Чәчәк бәйләмнәре, картиналар, төрле композицияләр атнадан артык мәктәпкә ямь биреп торды. Күптән түгел бәйгегә йомгак ясалды. Менә алар җиңүчеләр: 

Сыйныфлар буенча: беренче урын - 5, 4 сыйныф укучылары, икенче урын - 6,8 сыйныф укучылары.Шәхси эшләрдән беренче урынны бишенче сыйныф укучылары Хаҗикиева З. һәм Гыйлемдарова Л, өченче сыйныф укучысы Галиева Э. алды. Һәр катнашучыга рәхмәт хаты тапшырылды. 

Хөрмәтле укытучылар, укучылар, әти-әниләр!

1 сентябрь - Белем Бәйрәме котлы булсын! Яңа уку елы һәркемгә шатлык-сөенечләр, бары тик "4" ле һәм "5"леләр генә алып килсен.

Бу көнне 1 нче сыйныфка килүчеләр аеруча зур түземсезлек белән көтеп алдылар. Быел алар бездә 9. Аларны гомерләрендәге беренче кыңгырау бәйрәмнәре белән котлыйбыз. Мәктәп еллары алар өчен кызыклы, мавыктыргыч, файдалы үтсеннәр.

2012-2013 уку елының беренче дәресе - Универсиада дәресе.

Универсиада талисманы Юниның укучыларга теләге:

Казанда Универсиада

Беләбез без буласын

Андый олы вакыйгадан

Беркем читтә калмасын.

Спорт белән шөгыльләнү

Сәламәтлеккә файда

Сау-сәламәт укучының

Укуы һәрчак алда

Йөгер,сикер, тик торма,

Физкультура дус булсын.

Чемпионнар сафында

Синең дә исемең торсын.

Авылыбызда 9 май - Җиңү көнен бәйрәм итәргә балалар да, өлкәннәр дә бик ныклап әзерләнде. Мәктәп укучылары митингка  чыктылар, ветераннарны котладылар. Матур җырлар, әдәби-музыкаль монтаж Ветераннарыбызның күңеленә бик хуш килде. Һәр елдагыча бу бәйрәме зур әзерлек һәм оешканлык белән узды.

Кадерле ватандашлар! Барыгызны да  олы бәйрәм - Җиңү көне белән кайнар котлыйбыз. Җир йөзендә беркайчан да сугыш афәте кабатланмасын.

4 мая во Дворце Школьников г. Бугульма прошел XX Фестиваль англо-американской песни. В нем принял участие ученик 9 класса нашей школы Каримов Ильшат, который занял 3 место. Поздравляем!!

27 апрель көне мәктәбебездә Бөек татар шагыйре Габдулла Тукайның туган көненә багышланган шигыйрь сөйләүчеләр бәйгесе булып узды. Укучылар яраткан шигырьләрен  сәнгатьле сөйләүдә сынаштылар.  Шулай ук укучылар Габдулла Тукайның тормышын һәм иҗатын искә алдылар.

13нче апрель көнне укыту-тәрбия эшләре буенча директор урынбасары Мөэминова Хәлисә Кәбир кызы 1-9нчы сыйныф укучылары өчен "2012 ел -Көръән елы" дигән кичә уздырды. Быел Көръәннең Казан басмасының беренче тапкыр нәшер ителүенә 225 ел тулды. Шуңа күрә Татарстанда 2012 ел -   Көръән елы дип игълан ителде.

Укучылар мәктәп музенда саклана торган 1898, 1915, 1965 һәм хәзерге татар шрифты белән басылган Көръән китаплары белән таныштылар. Дөньядагы иң зур Көръән - Кол Шәриф мәчетендәге  Көръән турында видеофильм карадылар.

10нчы апрель көнне Бөгелмә шәһәре һәм район мәктәпләре укучылары арасында узган "Сайрый былбыл баласы" татар җыры бәйгесендә 1 урынны безнең мәктәпнең 9нчы сыйныф укучысы Кәримов Ильшат яулады. Афәрин! Булдырдың!

6 апреля прошел муниципальный конкурс чтецов, посвященный 300-летию В.М. Ломоносова "Мое любимое стихотворение". Ученица 5 класса нашей школы Хисматова Тансылу заняла в этом конкурсе 2 место. Поздравляем!