3 нче май көнне Баулыда җиңел атлетика буенча ярышлар булып узды. Безнең мәктәптән физкультура укытучысы Жмаков Владимир Иванович җитәкчелегендә 8 укучы катнашты. Малайлар арасыннан 400 метрлы дистанциядә 8 класс укучысы Валиуллин Римир - 1 нче урын, 100 метрлы дистанциядә 9 класс укучысы Мифтахов Илмир - 2 нче урын, 800 метрлы дистанциядә 10 класс укучысы Валиуллин Айнур - 2 нче урын, 11 нче класс укучысы Тагирзянов Ильяс - 3 нче урын яулады.     Кызлар арасында 800 метрлы дистанциядә 8 класс укучысы Гатиятуллина Айсылу -  2 нче урын, 100 метрлы дистанциядә 9 класс укучысы  Шайхова Алия - 3 нче урынны алды. Эстафетада малайлар командасы - 1 нче урын, кызлар командасы - 3 нче урын яулады.  Егетләрне, кызларны җинүләре белән котлыйбыз! Молодцы!

Мәктәп тирәсен җыештыру өмәләре дәвам итә. Бүген дә  өмәдә 8 нче сыйныф укучылары бик тырышып эшләделәр.

“17 май – Балаларның халыкара ышаныч телефоны көне” айлыгы кысаларында бүген башлангыч сыйныфларда  “Аңлашып яшәүгә ни җитә?”  дип исемләнгән сыйныф сәгате үткәрелде.

Шәфкатьлелекнең язгы атнасы кысаларында  бүген мәктәп яны тирәсен җыештыру  өмәсе булды. Өмәдә аеруча 10 сыйныф укучылары зур оешканлык күрсәттеләр.

25 апрель көнне  шәфкатьлелекнең язгы атнасы кысаларында  8 сыйныф кызлары  хезмәт  ветераны Талипова Сәкинә әбигә булышырга бардылар.

Кызлар  гөлләргә су сиптеләр, тузан сөрттеләр, савыт – саба, идән юдылар. Сәкинә әби кызларның эшеннән бик канәгать калды.

17 апрельдән 17 майга кадәр  “17 май – Балаларның ышаныч телефоны көне” айлыгы игълан ителде. Шул айлык кысаларында  бүген 10 нчы сыйныфта “Ата – аналар һәм балалар арасында аңлашылмаучылык” темасына ата – аналар җыелышы булды. Сыйныф җитәкчесе Валиуллина Р.Х. әти – әниләрне дөрес тәрбия законнары белән таныштырды,  җыелыш темасы буенча презентация күрсәтте. Җыелыш азагында  ата – аналар үзләре өчен кирәк булган анкета тутырдылар.