Шул уңайдан Баулы үзәкләштерелгән китапханәләр системасының Милли әдәбият һәм сәнгать бүлеге белән берлектә шагыйрьнең тормыш  юлы һәм иҗатына багышланган “Шагыйрь күңелендә ниләр бар...” дип исемләнгән әдәби кичә бик күңелле узды. (Сүз уңаеннан, укучыларга, яшь буынга татар теленең матурлыгын, байлыгын күрсәтү, ана теленә мәхәббәт уяту, олуг шәхесләребезнең иҗаты һәм тормыш юллары белән таныштыру,  укучыларга милли рухта патриотик тәрбия бирү максатыннн мондый чаралар, очрашулар даими уздырылып тора). Р.Файзуллинның иҗаты 11 класста мәктәп программасына кертелгән, шуңа күрә дә шагыйрнең иҗаты белән алдан танышу уңай нәтиҗәләр бирер дигән өмет белән чираттагы чарага 10а сыйныфы  укучылары чакырылган иде.

Кичәдә укучылар шагыйрьнең тормыш юлы һәм иҗаты, аның әсәрләре белән таныштылар. Юбилярга багышлап оештырылган китап күргәзмәсенә җентекләп ясалган күзәтү вакытында укылган шигырьләр чараны тагын да ямьләндерде, тулыландырды. Кичәнең азагында шагыйрьнең тормыш юлы һәм иҗатына багышланган әдәби викторинада актив катнашучы укучыларга Равил Фәйзуллин китаплары әзерләнгән иде. 10класс укучысы Габдрахманова Миләүшә иң актив катнашучыларның берсе буларак Р.Файзуллинның сайланма әсәрләре белән бүләкләнде. Кичәдә укучылар күп мәгълүмәт алдылар.