8 нче сыйныф  укучылары  4 сыйныф  эзтабарларын  Татарстан Варислар Берлегенә   кабул иттеләр.  Сбор барышында пионерия тарихы, мәктәпнен пионер оешмасы, варислар турында сөйләнде, презентация  күрсәтелде. Кичә варисларны котлау, бүләк бирү белән тәмамланды.

Субаш урта мәктәбе укучылары командасы (җитәкчеләре Хөснетдинов Азат Альберт улы) Биектау шәһәрендә уздырылган “Школа безопасности 2013” ярышларында катнашып түбәндәге урыннарга лаек булдылар:

“Тикшерү – коткару эше”дистанциясендә IV-урын,

“Каршылык полосасы” дистанциясендә II-урын,

"Гомуми физик әзерлек" ярышларында II-урын,

Янгын сүндерүчеләр поласасында  II-урын,

“Команданы тәкъдим итү” конкурсында I-урын,  

 “Пешекчеләр” конкурсында  IV-урын.

Гомуми нәтиҗә дә  III-урын.

Алдагы ярышларда укучыларга зур уңышлар телибез.

“Коды и шифры” конкурсында 3нче сыйныф укучысы Гафурҗанова Энҗе 2нче дәрәҗә дипломга ия булды.

2012-1013нче уку елындагы эшчәнлеккә  йомгак ясап, укуда һәм чараларда алдынгыларны билгеләдек.  “Йолдызлар яңгыры” дип исемләнгән иҗат концертында укучыларның чыгышын тамашачылар җылы кабул итте.

Мәктәпнең  тәҗрибә участогында кызу эш башланды. Укучыларыбыз  җиләк- җимеш бакчасын  чүпләрдән арындырды, агач кәүсәләрен известь белән эшкәрттеләр.  

1 нче май көнне районда җиңел атлетика ярышлары булып узды. Мәктәбебезнең 8 нче сыйныф укучысы Гыйльманова Илүзә ядро этүдә,  800 метрга йөгерүдә 1 нче урынга лаек булды. Илүзәнең тагын да зур уңышларга ирешүен телибез.

Габдулла Тукайның тууына 127 яшь тулу уңаеннан мәктәбебездә Тукай айлыгы үтте. Укучылар арасында “Тукай – халык көзгесе” дип исемләнгән   кичә, шигырь, рәсем конкурслары, тәрбия сәгатьләре  үткәрелде. Укучыларыбыз  Г.Тукай турында белемнәрен тагын да тирәнәйтте.

29нчы апрель  көнне Субаш урта мәктәбендә янгын куркынычсызлыгы буенча өйрәнүләр үтте.

30 нчы апрель көнне Россиянең  барлык мәктәпләрендә  тормыш иминлеге  нигезләре фәне  буенча ачык  дәресләр үтте. Безнең мәктәптә  узган ачык дәрескә янгын сүндерү бүлегеннән Фролов А.Р. килде һәм үзенең эшчәнлеге турында чыгыш ясады.

27нче апрель көнне һәр сыйныфта янгын куркынычсызлыгы турында әңгәмәләр үткәрелде. Тагын бер кат куркынычсызлык кагыйдәләре искә төшерелде.