Ильдар Галиев исеменә багышланган чаңгы ярышыннан укучыларыбыз III урын алып кайттылар.

 “Балтач” спорткомплексында мәшһур спорт остасы Ринат Борханов истәлегенә кул көрәше ярышлары узды. Укучыларыбыз Гильмуллин Рияз (9 класс) I урын, Закиев Шамил (7 класс) III урын яуладылар.

Шубан төп гомуми белем бирү мәктәбе базасында математика фәне укытучыларының район семинары узды.

Семинар барышында әлеге мәктәп укытучылары Ф.З.Сабитова һәм Л.Г.Салахов ачык дәрес күрсәтте. Дәресләр югары сыйныфлар укучыларының йомгаклау аттестациясенә әзерлек эшләренә, шулай ук 6нчы сыйныфта укучылар белән мөстәкыйль эшчәнлекне үстерүгә багышланган иде. Семинарның икенче өлешендә укучыларның Бөтенроссия олимпиадаларның муниципаль этабына, математика буенча аттестацияне оештыру һәм үткәрүгә кагылышлы сораулар каралды.

Шул ук вакытта математика укытучыларының утырыш планында каралган чыгышлары тыңланды. 

Укытучылар, әти-әниләр һәм балалар бердәмлеген, нәтиҗәле эшчәнлеген күрсәтүче бәйге - "Тату сыйныф серләре" конкурсының район этабы башланып китте.

Ватанны саклаучылар көненә багышланган волейбол ярышлары булып узды. Беренче урынны әтиләребез яулады!

"Гүзәллек яратабыз" мөнәҗәтләр бәйгесендә Садыйков Раян өченче урынга лаек булды. Җитэкчесе Лилия Ураловна.

Февраль ахырында ел саен Ватан сакчылары көненә багышлап мәктәбебездә “Аҗаган” хәрби-спорт уены үткәрелә. Һәр командага исем һәм эмблема бирелде. Сугыш җырлары астында “яшь сугышчылар” төз атлап бардылар. Балалар «Каршылыклар полосасы», «Партизан сукмагы», «Яралыны күтәреп алып бар», «Снайперлар» һәм башка бәйгеләрдә катнаштылар.

21 февраль- Халыкара туган тел көне

Шубан аланлыгында  "Татарстан чаңгы юлы-2022" ярышлары узды. Олысы кечесе бер булып чаңгы юлына басты. Теләгэн кеше рәхәтләнеп чана шуды.

Бу  көн – үз саулыгың турында кайгыртуга һәм төрле чирләрне искәртүгә багышланган .