Бөтенроссия «Парклар маршы – 2014» акциясенеӊ иҗади эшләр конкурсында 8 нче сыйныф укучысы Гарифуллина Зөхрә II урынны яулады. Җитәкчесе: татар теле һәм әдәбияты укытучысы Закирҗанова Г.М.

«Туган тел» айлыгы чаралары дәвам итә. Бүген «Яшь лектор» клубы әгъзалары сыйныфларда Г.Тукай тормышына багышланган чыгышларын тәкъдим иттеләр.

9 нчы сыйныф укучысы Гөлшат Галиева «Алтын каләм» балалар, яшүсмерләр һәм яшьләр прессасы район фестивалендә I урынга лаек булды.

«Туган тел» айлыгы кысаларында Г.Тукай әсәрләренә иллюстрацияләр күргәзмәсе тәкъдим ителде.

21 нче апрель – Җирле үзидарә көне. Шул уӊайдан бүген лицеебыз укучылары Салавыч авыл җирлеге башкарма комитеты җитәкчесенеӊ урынбасары белән очраштылар. 

Лицей филиалы Биктәш башлангыч мәктәбендә "Туган тел "айлыгы кысаларында  күңелле  чаралар үткәрелде.  "Сөйкемле Шүрәле" республика конкурсында  2 укучы үзенең кул эше белән I турда катнашты, әти-әниләр  белән  Г.Тукай әсәрләре буенча кул эшләре, укучыларның рәсем күргәзмәсе, аның әсәрләре буенча төшерелгән мультфильмнарны карау, презентацияләр белән танышулар оештырылды  һәм, елдагыча, балалар иртәсе - Шигырь бәйрәме уздырылачак.

Лицей филиалы Сәрдегән башлангыч мәктәбендә Тукай атналыгы башланып китте. Укучылар үзләренең иҗади эшләре белән "Сөйкемле Шүрәле" конкурсында катнаштылар, Габдулла Тукай шигырьләренә карата рәсемнәр ясадылар.

Республика күләмендә үткәрелгән "Тайны родного края" конкурсының муниципаль этабында "Дуслык" балалар оешмасы  "Минем гаиләм Бөек Ватан сугышы елларында" номинациясендә 1 урынны яулады.

Бүген лицейныӊ иҗат отчеты булды. Укытучылар коллективы әти-әниләр, авыл халкы өчен, Салавыч авылыныӊ мәдәният йортында Илдар Юзеевныӊ «Кыр казлары артыннан» спектаклен куйдылар.

Арча муниципаль районы Яӊа Кенәр лицеенда уздырылган математика укытучыларыныӊ республикакүләм фестивалендә, лицеебызныӊ математика укытучысы Федрова Эльвира Витальевна катнашып, «Мәйданнар һәм күләмнәр» темасына мастер класс күрсәтте.