Бүген 9 -11 нче сыйныф укучылары Казан Дәүләт Архитектура – Төзелеш Университеты студенты белән очраштылар. Үзебезнеӊ лицей укучысы Хәбибуллин Рүзәл әлеге Университетта уку юнәлешләре һәм аларга керү өчен үтәсе сынаулар, профессия юнәлешләре, уку системасы белән таныштырды, укучыларныӊ кызыксындырган сорауларына җавап бирде.

Укучылар өчен грипптан саклану чаралары турында әӊгәмә иртәнге физарядка белән дәвам ителде.

Укучыларга кеше тормышында һөнәрнең бик мөһим урын тотуына төшендерү, укучыларга тиешле белгечлек сайлап алу юнәлеше бирү, һөнәр сайлауда җаваплылык хисе, җитди булу сыйфаты формалаштыру, гаилә тарихын өйрәнүгә этәргеч булдыру, һәртөрле хезмәткә, хезмәт кешесенә хөрмәт хисләре тәрбияләү максатыннан сыйныфларда тәрбия сәгатьләре үткәрелде.

Озынайтылган көн группасы җитәкчеләренеӊ район семинары булып узды. Ахмадуллина Рәхилә Әнәсовна үзенеӊ күпкырлы тәҗрибәсе белән уртаклашты.

18 нче гыйнвар көнне лицеебызныӊ технология укытучысы Латыйпова Гөлсинә Габделфәртовна «Ел укытучы – 2017» конкурсыныӊ беренче этабында катнашты.  Бөрбаш мәктәбендә ачык дәрес, мастер класс үткәреп үз осталыгын күрсәтте. Гөлсинә Габделфәртовнага алга таба уӊышлар телибез.

Иртәнге линейка

Ата – аналар җыелышы

12 -13 нче гыйнвар көннәрендә чыгарылыш сыйныфы укучылары математика һәм рус теленнән сынау имтиханнары узачак.

2004-2005 елгы укучылар арасында оештырылган "Золотая шайба" хоккей ярышында лицей командасы I урынны яулады.

Бүген укуныӊ икенче яртыеллыгына аяк бастык. I яртыеллык эшчәнлеккә нәтиҗә ясалып, алга таба яӊа максатлар куелды.