3 апрель көнне  Арчада Бөтенрәсәй «Илһам» яшь язучылар бәйгесенең зона туры үтте

Бәйге Татарстан Республикасы мәгариф һәм фән министрлыгы Татарстан Республикасы Язучылар берлеге, Казан (Идел буе) федераль университеты белән берлектә  татар телен, әдәбиятын, мәдәниятен саклау һәм үстерү, укучыларда әдәбиятка, сәнгатькә кызыксыну уяту, әдәби иҗатка сәләте булган яшьләрне ачыклау, барлау, яшь язучыларны таныту, осталыкларын үстерергә ярдәм итү максатыннан татар телендә иҗат итүче мәктәп укучылары арасында уздырыла.

 Быел районыбызның 11 мәктәбеннән 28 укучы  икенче турга узды.   "Яшь  шагыйрь" номинациясендә Бөрбаштан Энҗе Корбангалиева, Нияз Нуретдинов, Нормадан Зәринә Әхмәтгалиева, Илүзә Мәхмүтова, Шеңшеңәрдән Илназ  Сәмигуллин, Римма Шакирова, Чулпан Һадыева, Венера Габдуллина, Самат Хәертдинов, Илназ Батыршин, Ралинә Зиннәтуллина, Яңгулдан Искәндәр Шәфигуллин, Кече Лызидан Ралина Гәрәева чыгыш ясадылар.

 Яшь прозаик номинациясендә Балтачтан Алия Нәбиева, Нормадан Әдилә Сабирова, Нөнәгәрдән Вилназ Гыйльфанов, Гүзәл Мәҗитова, Гөлинә Усманова, Пыжмарадан Лилия Таһирова,  ә “Яшь драматург” номинациясендә Карадуганнан Зөһрә Камалиева, Нөнәгәрдән Алинә Габдрахманова сөйләделәр.

 “Яшь журналист” номинациясендә   Балтачтан Рахман Газизуллин, Түнтәрдән Фәнзил Гарифуллин, Эльвина Иванова, Нөнәгәрдән Лилия Шәмсетдинова, Алсу Әюпова, Илмир Гыйльманов һәм Балтач гимназиясеннән Илсинә Габделганиева катнашты. 

   21 нче апрельдә   әлеге  укучылар Казанда "Баскет-холл"да үтәчәк тантаналы йомгаклау чарасына  чакырылачак. Нәтиҗәләр шунда билгеле булачак.
 

Мәгариф идарәсе хәбәр итә.

Буген 7нче апрель көнне Балтач районының татар теле һәм әдәбияты укытучылары өчен “Бердәм дәүләт стандартларын тормышка ашыру шартларында татар теле һәм татар әдәбиятын укытуда дәвамчылык” темасына методик семинар булып узды. Анда мәгарифне үстерү институтыннан Сәгдиева Илсия Тәлгат кызы да катншты. Катнашкан укытучылар таныклыкка ия булдылар.

Мәгариф идарәсе методисты – Гаязова Р.С., Балтач гимназиясеннән: директор – Мухарлямов Р.К., тәрбия эшләре буенча директор урынбасары – Юнысова Р.И., башлангыч сыйныфлар укытучысы – Хакимова Г.К. Зәй районында сәламәтлекне саклауга багышланган семинарда катнаштылар.

Бердәм дәүләт имтиханнарына әзерлек максатыннан, Норма урта мәктәбендә мәгариф идарәсе методистлары – Ашрапова Р.Г., Гарипова Э.Р., Закирова Р.З. имтиханда катнашучы оештыручылар (организаторлар) өчен укулар уздырдылар. Анда барлыгы 55 укытучы документлар тутыру тәртибе, имтихан таләпләре белән таныштылар һәм тест эшләделәр.

Балтач спорткомплексында укучы кызлар өчен “Форпост” ярышлары узды.

Бүген Балтачта «Билингваль балалар бакчасы» конкурсынын республика этабы уза. Мәгариф һәм фән финистрлыгыннан килгән комиссия җирәбә белән билгеләп 2 нче балалар бакчасы һәм Кили башлангыч мәктәп-балалар бакчасының эшчәнлекләренә бәя бирәчәк. Канашучыларга унышлар телибез

17 нче елның 4-6 нче апрель көннәрендә Балтач районында Junior Skills стандартлары буенча “Яшь профессионалларның” муниципаль чемпионаты уза.

Рәсәйкүләм дистанцион конкурс

5 нче А сыйныфы укучыларының “Камета” һәм 2 нче А сыйныфының “Луч” командалары 4 нче Рәсәйкүләм дистанцион конкурсның “Есть идея” төркем эшләрендә катнаштылар. Бу чара “Яр-Чаллы дәүләт педагогик университеты”ның фәнни-методик җитәкчелеге инициативасы тарафыннан үткәрелгән иде.

Конкурс, укучыларның проект һәм тикшеренү характерындагы мәсьәләләрне чишә белүгә, килеп туган вәзгыять эчтәлеген анализлауга, уртак иҗади эш тудыруга, укучы һәм укытучы арасында бергә эшләү формаларын үзләштерүгә йөз тоткан.

Балалар җитәкчеләре психолог Җәләлова Әнисә Рәсим кызы ярдәмендә алган биремнәрне зур кызыксыну белән эшләделәр һәм әйбәт нәтиҗәләргә ирештеләр. Ике команда да 3 нче урынга лаек дип табылды. Афәрин! Котлыйбыз!

2017 нче елның 4-6 нче апрель көннәрендә Балтач районында Junior Skills стандартлары буенча “Яшь профессионалларның” муниципаль чемпионаты уза.

JuniorSkills – иртә һөнәри юнәлеш бирү, һөнәри әзерлек нигезләре һәм мәктәп укчыларының һөнәри осталыклары ярышының программасы. Бу прграмма Балтач районы башлыгының урынбасары -Сабирзянов Наил Нургаяз улы һәм мәгариф идарәсе җитәкчесе Зәкиева Алия Юныс кызының инициативасы белән районыбызда икенче ел уза.

4нче апрель көнне Батач урта мәктәбе базасында – электротехника, электромонтаж, слесарь; Балтач гимназиясендә – робототехника, дизайн, ресторан сервисы, чәчтараш; Карадуган гимназиясендә – татар ашлары компетенцияләре буенча һөнәри ярышлар узды.