13 нче февраль көнне Сосна мәдәният йортында "Милли тавыш" проектының 1 этабы үтте. Анда Татарстанның халык артисты, Муса  Җәлил исемендәге бүләк  иясе, Кырым  Республикасының атказанган сәнгать эшлеклесе, Бөтендөнья төрки хатын-кызларының бердәмлек һәм теләктәшлек җәмгыятенең башкарма комитеты әгъзасы, “Сөембикә варислары” фестиваленең оештыручысы-Гөлзада Сафиуллина, аның оныгы-Ширин Әл-Анси,  Татар җыр -бию ансамбле хормейстры Гәрәева Венера  Хәсәновна катнаштылар. Безнең мәктәптән Ситдикова Камилә, Ситдиков Сәйдәш, Садиков Данил 1 этап җиңүчеләре булып, концертта чыгыш ясадылар. 

8,9 нчы класс укучылары белән Парламент дәресе үткәрелде. Дәрескә авыл советы депутатлары Садиков Р.М., Котдусов Г.Х.катнаштылар. 

9 нчы февраль көнне Файзрахманова Г.Ф. Түнтәр урта мәктәбендә класс җитәкчесе конкурсында катнашып кайтты. Ул үзенең тәҗрибәсе белән уртаклашты, тәрбия сәгате үткәрде, укучылар белән берлектә эшләгән проект эше дә тәгъдим ителде.

6 нчы февраль көнне мәктәпне 10,20,30,40,50 ел элек тәмамлаган укучылар белән Очрашу кичәсе булды. Укучылар истәлекләре белән уртаклаштылар. Укытучыларга, мәктәпкә рәхмәт сүзләре җиткерделәр.

8 нче сыйныфларда һөнәр сайлау темасына әти-әниләр җыелышы үтте.

7 класс укучылары һөнәрләр белән танышу максатыннан балалар бакчасында булдылар.

Мәктәптә 1 нче класска керүче балалар белән әзерлек эшләре башланды. 

Укучыларыбыз баскетбол секциясенә бик яратып йөриләр.