Мәктәптә Тукай айлыгы башланды.

Атналык кысаларында Файзрахманова Г.Ф. башлангыч класс укучылары өчен химия буенча тәҗрибәләр күрсәтте. 

22 февральдә Башкортстан Республикасыныӊ Салават шәһәре  А. Тарасов исемендәге Бөтенроссия күләмендә 2003 -2004 елда туган  үсмерләр арасында үткәрелә  торган «Алтын алка»  турнирыныӊ финал ярышларын кабул итте. Балтач районы командасы 3 нче урынны яулады. Бу ярышта безнең мәктәп укучылары да катнашты. Габдрахманов Рәсим һәм Галлямов Алмазны җиңүләре белән котлыйбыз. 

12 нче март көнне 2005-06 нчы елгы кызлар арасында баскетбол ярышы булды. Безнең мәктәп укучылары бу ярышта 1 урын яуладылар. Шамилова Исламия-иң яхшы уенчы, Габдрахманов Ф.С.-иң яхшы тренир булып танылды. 

Мәктәптә рус теле һәм әдәбияты атналыгы бара. 9 нчы март көнне атналык кысаларында  5-6 класс укучылары арасында "Своя игра" уены оештырылды. 

10 нчы март көнне 7 һәм 8 нче класс укучыларының әбиләре мәктәпкә  бәйрәмгә килделәр. Бәйрәмдә җырлар, шигырьләр яңгырады. Әбиләр төрле конкурсларда да катнаштылар, яшьлектәге җырларын җырладылар.

4 нче март көнне 3 класс укучылары җитәкчеләре Ситдикова Э.И, Хафизова Л.Г. белән Арча районы Кырлайда булып кайттылар. Алар республика күләмендә үткәрелгән "Тукайга ияреп" конкурсында 2 нче урын яуладылар. Укучылар Габдулла Тукайның музеенда да булдылар. 

8 март бәйрәме уңаеннан, 3 класс укучылары Әниләр кичәсе үткәрделәр. Чара концерт номерлары, конкурслар белән чиратлашып барды. 

5 нче март көнне хатын-кыз укытучыларны һәм кызларны бәйрәм белән котлау иртәсе булды. Аны 6 класс укучылары үткәрделәр. 

4 класс укучылары "Әбекәй, алтыным" дигән кичә үткәрделәр. Чара әбиләр турында чыгышлар, концерт номерлары белән үрелеп барды.