28-2.02.2013 кадәр мәктәп планы нигезендә рус теле һәм әдәбияты атналыгы үтә. 29.01.2013 көнне 5-6 класс укучылары арасында “Әкиятләрне беләсеңме” дигән викторина үтте. Аны Котдусова Д.М. үткәрде. Укучылар актив катнаштылар.

16 нчы январь көнне мәктәптә - балаларда экологик культура, табигатькә сакчыл караш һәм әйләнә-тирә мохиткә карата җаваплылык тәрбияләү максатында "Чисталык дәресләре" уздырылды. Бу дәресләрне  география укытучы Зайнуллин Ә.М. үткәрде.

24.01.2013 көнне мәктәп кунаклар кабул итте. Балалар бакчасы һәм мәктәп арасындагы бәйләнешне, тәҗрибә өйрәнү  максатыннан, мәктәпкә балалар бакчалары тәрбиячеләре килделәр. Аларга Садикова А.Р., Ганиева Ф.Г., Гибадуллина А.Р.  дәресләр күрсәттеләр. Дәресләр югары дәрәҗәдә  үтте. Администрация исеменнән бик зур рәхмәт.

4 нче январь көнне 6 класс укучылары класс җитәкчеләре Дилә Мәгъдануровна белән катокка шуарга килделәр. Бергә күңелле ял иттеләр.

5  нче январь көнне 9 класс укучылары класс җитәкчеләре Әмир Мөнирович белән тау шуарга бардылар. Тау шугач, учакта пешкән бәрәңге белән сыйланып, күтәренке күңел белән өйләренә таралыштылар.

7  нче январь көнне 5 класс укучылары класс җитәкчеләре  Альбина Рашитовна белән тау шуарга бардылар. Бу чарада әти-әниләр дә катнашты. Соңыннан коймак һәм чәй эчеп өйләренә таралыштылар.

8 нче  январь көнне 2002-2003 елгы малайлар командасы хоккей ярышында 3 нче урынны яуладылар. Молодцы , малайлар!!! Алдагы ярышларда уңышлар сезгә.

10  нчы январь көнне 7 класс укучылары класс җитәкчеләре  Венера Накиповна һәм әти-әниләр  белән тау шуарга бардылар. Тау шуып аргач, чәй, коймак белән сыйландылар. 

12-13 нче январьда Арча шәһәрендә Мәктәп Баскетбол лигасы чемпионатының  3   этабы, республиканың зона ярышлары үтте. Безнең Балтач районы данын Сосна (кызлар)  һәм Балтач (егетләр) командалары яклады. Кызлар Биектау командасын 46:12, Теләче командасын 38:0 исәбе белән җиңеп ярымфиналга үттеләр. Ярымфиналда алар Саба командасы белән очраштылар. уен 47:0 исәбе белән тәмамланды. Финал уенында Кукмара командасын 23:18 исәбе белән җиңеп 1 урынны яуладылар.    Команда медаль, дипломнар, баскетбол формасы  белән бүләкләнде.  Команда  февраль аенда Аксубайда үтәчәк финал ярышларына путевка алды. Кызларның  трениры Габдрахманов Фәнил Сәлимович . Афәрин кызлар!!! Сезгә алдагы ярышларда уңышлар телибез.

27.12.12 көнне 1 сыйныф укучылары Кыш бабайны алып кайттылар. Кыш бабай аларга бүләкләр, күчтәнәчләр алып килгән иде.