Минзәлә шзһзрендә ДЮСШ  "Олимп"  үткәргән   "Медаль для мамы"  хоккей ярышында   катнашып Исхаков  Нариман  Арча хоккей командасы составында уйнап III  урын яулап  кайтты.

24  февраль  көнне "Аҗаган" уеннарының берече этабы буларак укучылар строй белән җырлап атлауда ярыштылар. Югары класс укучыларын да артта калдырып 2 класс укучылары җиңеп чыкты.

24 февраль  көнне гимназиябездә хәрби- патриотик тәрбия айлыгы кысаларындаукучыларның зарыгып көткән "Аҗаган"  уеннары үткәрелде. Укучылар маршрут кәгазьләре буенча станцияләрдә ярыштылар. Ярыш бик  кызу барды. Яшь - солдатлар граната аттылар, автомат сүтеп җыйдылар,  беренче ярдәм күрсәттеләр.  Байрак эзләделәр.  Уеннар бик күңелле узды. 

22 февраль көнне гимназиябездә Муса Җәлил премиясе лауреатлары -композитор Эльмира Галимова, прозаик, "Казан  утлары " журналынын  баш мөхәррире -Рөстәм Галиуллин, яшь шагыйрь Фәнил Гыйләҗев белән очрашу булды. Очрашу бик күңелле үтте.

21 февраль - Халык ара Туган тел көне.  Шул уңайдан  гимназиябездә матур чара үтте. Укучылар  туган телгә багышлап җырлар җырладылар, шигырьләр сөйләделәр.

19 февраль көнне гимназиябездә  8-11 сыйныф укучылары өчен Ватанны саклаучылар көненә багышланган  “Батырлык ” дәресе  үткәрелде. “Офицеры” кинофильмы күрсәтелде.

19 февраль көнне гимназиябездә  укучыларның профессиональ мөмкинлекләрен өйрәнү максатыннан   үзәк мәшгульлек  хезмәткәре тарафыннан  тикшерү үткәрелде.

17 февраль көнне гимназиябез  бозында Муса Җәлил призына хоккей ярышлары узды. Зур көч белән Карадуган гимназиясе егетләре 1 урынны яуладылар. Күчмә кубок кабат гимназиягә кайтты. Молодцы!

 Бүген бөек шагыйрь Муса Җәлилнең туган көне.Гимназиябезнең  татар теле һәм әдәбият укытучылары иртән укучыларны Җәлил шигырьләрен укып каршы алдылар.

Ә дәресләрдән соң Эльмира Масхутовна һәм Фәридә Фәритовна 5-7 нче сыйныф укчылары өчен Муса Җәлилгә багышланган конкурс оештырдылар

Бөек язучы Лев Николаевич Толстойның тууына быел 190 ел була.Әлеге  датага багышлап,гимназиябездә төрле чаралар башланып китте.