28 нче ноябрь – Бөтендөнья әниләр көне. Кадерле әниләребез! Сезне  бәйрәм белән  кайнар котлыйбыз. Барыгызга да озын гомер, ныклы сәламәтлек, матур тормыш, бәхетле көннәр телибез.

   Мәктәптә  әниләребезне бәйрәм белән  котлап  концерт куйдык, күңелле  уен – тамаша булды. Әниләребез кечкенә вакытларын искә төшереп уйнадылар, яшь чакларына әйләнеп кайтып  күңел ачтылар, ахырдан  рәхәтләнеп биеделәр. Бәйрәмебез бик күңелле үтте.

Агитбригадалар арасында конкурс дәвам итә. 5-8 класс  укучылары спиртлы эчемлекләргә, тәмәкегә каршы көрәш тематикасын ачтылар. Чыгышлар тирән эчтәлекле итеп хәзерләнгән. Молодцы. 

27 ноябрь көнне хокук айлыгы кысаларында башлангыч класс укучылары катнашында “Безнең хокукларыбыз” темасына агитбригада конкурсы булды. Укучылар  бик тырышып әзерләнгәннәр, теманы төгәл ача белделәр. Молодцы!

Хокук айлыгы кысаларында мәктәпнең шәфкать туташы  Мухарлямова Гөлзара ПАВ ка каршы профилактика чаралары  алып бара. 

Тиздән Бөек Җиңүгә - 70 ел.  Мәктәптә “Бөек җиңүнең 70 еллыгын каршылап” темасына стенд ясалды.

22 ноябрь көнне 9-11 сыйныфлар өчен зур әзерлекле, яхшы чара «День призывника» үтте. Егетләребез барлык төр сынауларны абруй белән уздылар. Егетләребез чын  Ватанны саклаучылар булырлар! Молодцы

21 нче ноябрь  көнне Карадуган мәктәбе  егетләренең волейбол командасы  Шубан  мәктәбе егетләренең волейбол командасы белән дусларча очрашу матчы оештырылды.

Хокук айлыгы кысаларында  мәктәптә барлык класслар арасында  “Минем хокукларым һәм бурычларым” темасына стенгазета конкурсы үткәрелде. 

Безнең булачак конструкторларыбыз. Башлангыч класс укучылары озын тәнәфес вакытларында  конструктордан  модель  төзү белән  мәшгуль. Иҗат уңышлары аларга.

Бүген мәктәптә Бөтенроссия  күләмендә үткәрелүче фәнни уенлы конкурс «Русский медвежёнок". Балалар бу конкурста бик теләп катнашалар , ел саен призлы урыннар яулыйлар.