Мәктәп базасында район күләмендә өстәмә белем бирү педагогларының семинары уздырылды. Семинарда “Хореография”, “Растим патриотов” түгәрәкләре җитәкчеләре ачык дәресләр күрсәттеләр.

Айлык кысаларында мәктәп күләмендә чаңгы ярышы уздырылды. Ярышта  1-11 класс укучылары һәм укытучылар катнашты. Әлеге ярыш матур бәйрәмгә әверелде. Ярышта җиңүчеләрне шунда ук бүләкләү тантанасы булды. Призлы урын яулаган укучыларга мәктәп грамоталары тапшырылды.

Барлык классларда да "Уңыш" программасы нигезендә коррупциягә карата  дәресләр уздырылды. Укучылар  төрле сорауларга җавап һәм тавыш биреп, коррупциянең нәрсә икәнлегенә төшенделәр.

Оборона-масса айлыгы кысаларында мәктәп күләмендә шигырь конкурсы уздырылды. Конкурста  укучылар актив катнашты. Бигрәктә башлангыч сыйныф укучыларына тиңнәр булмады. Әлеге конкурска нәтиҗә ясалып урыннар билгеләнде һәм линейкада урын алучыларга грамоталар, катнашучыларга сертификатлар тапшырылды.

Мәктәбебезнең 6 класс укучылары район мәдәният йортына “Без 41 нче ел балалары” дип исемләнгән спектакль карарга бардылар. Әлеге чара укучыларда бик матур фикерләр калдырды. Соңыннан алар артистлар белән бергә фотога да төштеләр. Укучылар үзләренә шундый матур, тирән эчтәлек ле театр куйганнары өчен артистларга бик рәхмәтле.

Мәктәбебезнең барлык укучылары һәм укытучылары чаңгычылар көнендә катнашты.

Әлеге айлык кысаларында 9-11 класс укучылары арасында шахмат ярышы, 5-8 класс укучылары арасында шашка ярышы уздырылды. Шахмат ярышында 10а классы укучысы Хайруллин Ирек 1 урынны алды.

6 һәм 7 февральдә 4 сыйныфларда мониторинг уздырылды.

Оборона-масса һәм спорт айлыгы планы нигезендә һәр класс музейга экскурсия ясарга тиеш. Әлеге эшне иң беренче булып башлангыч класс укучылары башлап җибәрде.

Резеда Фәритовна 6-7  класс укучылары өчен Россия Федерациясе  Конституциясенең 20 еллыгына багышлап әңгәмә-викторина уздырды.