Мәктәп күләмендә традицион Аҗаган уены уздырылды. Аҗаган маршировка белән башланып китте. Карта буенча яшерен пакет эзләү, “тапкырлар аланы”, “миналанган кыр”, җитезләр аланы”,” төз атучылар тукталышы”, “айболит  мәйданчыгы”, “ противогаз кию тукталышы”, “ яшь пожарниклар оешмасы” кебек станцияләр оештырылды. Һәр укучы әлеге станцияләрдә  үз  белемнәрен күрсәттеләр. Соңыннан барысы бергә учак тирәли утырып бәрәңге ашадылар. 

9-11 класс укучылары өчен Ватанны саклаучылар көне уңаеннан бәйрәм уздырылды.

Район күләмендә отряд вожатыйлары конкурсы уздырылды. Безнең мәктәптән 7 класс укучысы Закирова Гөлүсә катнашты һәм уңышлы чыгыш ясады.

Мәктәп тә 23 февраль-Ватанны саклаучылар көне уңаеннан “Әтием-терәгем” дигән кичә уздырылды. Кичәгә 5-8 класс укучыларының әтиләре чакырылды. Әтиләр өчен “Гаилә нигезе-әхлаклылык” дигән доклад сөйләнде. Аннары Гарипов Ринат абый үзенең Армия сафларында хезмәт иткән вакытлары турында сөйләде, балаларга үгет-нәсихәтләрен бирде. Бәйрәмнең икенче өлешендә укучылар көче белән концерт куелды. Кичә барышында укучыларның көндәлек, дәфтәрләреннән күргәзмә ясалды.

Мәктәп күләмендә “Ятимнәргә ярдәм ит”! акциясе уздырылды.  Акция барышында иң беренче балалар йорты турында сөйләү булды, акция уздыруның максаты аңлатылды. Акциядә   Кенәр балалар йортына илтү өчен уку-язу әсбаплары җыйналды.

1-4 класс укучылары өчен Ватанны саклаучылар көненә багышланган кичә уздырылды. Кичәдә 2 команда, “танкистлар” һәм “а-47” командалары ярышты. Алар бу ярышта табышмакларга  җаваплар эзләделәр, төймә тактылар, скакалка сикерделәр, күз бәйләгән килеш рәсем ясадылар, кызлар чәчен үрделәр. Бик матур итеп көч сынашканнан соң 17 очко җыеп “а-47” командасы җиңү яулады. Бәйрәм ахырында малайларга кызлар үзләре ясаган сувенирларны бүләк иттеләр.

«Хыял» балалар оешмасы газетасының чираттагы номеры дөнья күрде. Әлеге газета оборона-масса һәм спорт айлыгына багышлап чыгарылды. Газетаның бу санында сугыш ветераннарына, тыл батырларына, хәзерге вакытта армия сафларында хезмәт итүчеләргә багышланган мәкаләләр урын алды.

Район күләмендә ООО “Юлдаш” призына татарча көрәш ярышы уздырылды.Әлеге ярышта мәктәбебезнең көрәшчеләр командасы уңышлы чыгыш ясап, 1 урынны яулады. Төрле үлчәү авырлыгында җиңүчеләребез: Рамазанов Рөстәм, Ахметханов Илдан, Ахметханов Ирек, Муллахметов Илнар, Хабибуллин Альфирлар. Молодцы, егетләр!

Район күләмендә ФОРПОСТ отрядлары арасында ярыш уздырылды.  Алар ату, йөгерү, турникта тартылу, автомат сүтеп җыю буенча көч сынаштылар. Мәктәбебезнең 3 егет һәм 1 кыздан торган командасы, уңышлы чыгыш ясап, 4 урынны алды.

Мәктәп күләмендә  “дуслык һәм мәхәббәт” акциясе уздырылды. Акциядә укучылар бер-берсенә    дуслык хисләре аңлаткан открыткалар бирештеләр. 9-11 класс укучылары өчен “Гашыйклар” бәйрәме уздырылды. Бәйрәмдә “Валентина” һәм “Валентиннар” командалары ярышты. Ярышта күңелле ярышлар оештырылды, нәтиҗәдә 38 очко җыеп егетләр командасы җиңү яулады. Соңыннан бәйрәм дискотекасы уздырылды.