Балтач гимназиясендә белем алучы балалар редакция эшчәнлеге, газетаның басмага ничек әзерләнүе, сайт һәм социаль челтәрләрдә эшләү белән танышу максатыннан «Хезмәт»тә кунакта булды. Алар биредә кемнәр эшләвен, хезмәткәрләрнең нинды вазыйфа башкаруын, газетаның ничек дөнья күрүен, сайтның ничек эшләвен күзәтте. Балаларны аеруча материал әзерләгәндә кулланыла торган заманча технологияләр кызыксындырды. Гимназия укучылары редакциягә буш кул белән килмәгән иде. Алар зур осталык белән шигырьләр сөйләп, журналистларны шаккатырды.