Бүген, 22нче июнь - Хәтер һәм кайгы көне. Бу көндә без илебезнең батырларын, сугыш елларында һәлак булганнарны искә алдык. Районыбызда да бүгенге көн хөрмәт белән искә алынды. «Батырлар аллеясы»нда узган митингта катнашучылар бер минут тынлык белән сугыш корбаннарын искә алды. Һәйкәлгә чәчәкләр салынды, илебезнең азатлыгы һәм иреге өчен көрәшкәннәрнең рухын мәңгеләштерүче бу чарада күпләр катнашты. 1941-1945нче елларның авыр хәсрәтләре аша илебезгә җиңү яулап алган әби-бабаларыбызның батырлыгы - безнең өчен олы горурлык, киләчәк буыннарга үрнәк. Аларның батырлыклары һәм рухы безнең йөрәкләребездә мәңге саклана.