Февраль ае гимназиядә хәрби тәрбия айлыгы дип игълан ителгән иде. Бу айлык кысалаларында төрле чаралар, ярышлар үткәреледе. 5-7 сыйныф укучылары “Ягез әле, малалайлар!” конкурсында  үз көчләрен сынадылар.

     27 февраль   көнне гимназиядә  укучыларның  “Эврика”  фәнни  берләшмәсенең  йомгаклау  конференциясе  булды.  Укучылар  “башлангыч сыйныф”, - “гуманитар  фәннәр”,  табигать  фәннәре,  “төгәл  фәннәр  һәм  информатика”  секцияләрендә  үзләренең  фәнни  эшләрен  тәкъдим  иттеләр.  Комиссия  20  гә якын  доклад тыңлады.

24 февраль   көнне  Казанда  яшүсмерләр  арасында  хәрби  хәзерлек  ярышлары  булып  үтте.  Балтач  районы  өчен  гимназиядән 9 егет, тормыш иминлеге  нигезләре укытучысы  Мөхәрләмов  Ренат  Камилович    җитәкчелегендә, катнашты.  Күп  төрле  ярышларда  уңышлы чыгыш  ясап безнең  егетләр  Республика  чемпионнары  булдылар.

19 -23   февраль   көннәрендә  Балтач  гимназиясендә  “сәламәтләндерү”  яки  “чаңгы  каникуллары”   үтте.

        Ни өчен  “сәламәтләндерү”   -  февраль  ахыры  кеше  организмы  өчен  иң  авыр  чор – витаминнар  җитми, физик, психологик ару, кыш  һ.б.  Шушы чорда,  укуларны онытып,  ял  итү  организм өчен  бик  кирәкле  мәслихәт.

23   февраль   көнне    Балтач  гимназиясенең  хоккей  мәйданчыгында  укучылар, укытучылар, әтиләр  һәм гимназияне тәмамлаган  егетләр  командалары  арасында  хоккей  турниры  булды.

     Турнир  2003 елдан  бирле  һәр  елны  уздырылып  килә. Беренче  турнирда  3  команда (укучылар, әтиләр, гимназияне тәмамлаучылар) катнашкан булса, быелгы  10 нчы турнирда 5 команда  ярышты.

20-22  нче  февраль   көннәрендә    район  мәктәпләре  арасында  “Созвездие-Йолдызлык-2012”  конкурсы  булып  узды.   22  нче  февраль     көнне  район  мәдәният  йортында  гимназиябезнең  яшь  талантлары  үзләренең  җырга, биюгә  булган  сәләтләрен    күрсәттеләр.    Жюри  һәм  тамашачылар  укучыларның  чыгышларына  югары  бәя  бирделәр.

 На лыжной трассе пгт.Балтаси прошли районные лыжно-массовые соревнования «Лыжня Татарстана-2012», в рамках Всероссийских массовых лыжных соревнований «Лыжня России-2012», в котором приняли участие 2546 участников.

17 февраль  көнне Казан  шәһәрендә РОСТО  (ДОСААФ)  җәмгыяте генерал-майор  Ф.Г.Булатов  истәлегенә  чаңгы  буенча  республика  ярышы  үткәрде.  Бу  ярышта  Балтач  районы данын  гимназия  укучылары Нигматҗанов Рәйхан (8а), Романов Родион (10б)  һәм Григорьев  Владислав (10б) якладылар.  Чаңгыда  узышу  һәм  мылтыктан  ату  эстафетасы  тәртибендә  уздырылган  бу  ярышта  безнең  егетләр  чемпион  булдылар!

11-13 нче февральдә республика күләмендә үткәрелгән әдәбият олимпиадасында гимназиябезнең 9нчы б сыйныфы укучысы Мифтахова Лира һәм 10нчы сыйныф укучысы Әхмәдуллина Лилия призлы урынга лаек булдылар. Бу җиңүләре белән аларны чын күңелдән котлыйбыз.

Хөрмәтле гимназия һәм чыгарылыш укучылары,  әтиләр һәм укытучылар! Сезне 2012 елның 23 февралендә Балтач гимназиясе кубогына үтәчәк традицион хоккей турнирына чакырабыз. Турнир иртәнге сәгать 9да башланачак. Күнегүләр өчен гимназия катогы көн саен 22 сәгатькә кадәр эшли. Хәбәрләшү өчен телефоннар 2-59-58, 2-47-90.