Мәктәпкә әзерлек төркеме балалары белән тәҗрибә үткәрү: “ Ни өчен орлыкларны, үсемлекләрне балчыкка утырталар?”  Балаларның тикшерү, тәҗрибә үткәрү эшчәнлеге нигезендә экологик фикер йөртү, иҗади хыял сәләтләрен үстерәбез..

Бәйрәм җиле кага тәрәзләргә,
Язлар кайта җанга, дөньяга.
Умырзая шыта бу мәлләрдә,
Кар астында чишмә уяна.
Чиксез бәхет теләп, кызыл талда
Елкылдаша көмеш бөреләр.

Һәр көнегез үтсен шатлык белән,
Бәйрәм белән сезне, әниләр!  

  Кечкенәләр төркемендә  әниләргә багышланган бәйрәмдә әниләрен һөнәрләренең күбәюе, җыр –биюләрнең матурлыгы, сюрпризлы моментларның күп булуы белән шаккаттырдылар.Яз кызы, әби, тавык килеп бәйрәмне җанландырып,  әниләргә бәйрәм рухы бүләк иттеләр.

 Халыкара хатын-кызлар бәйрәме якынлашкан көннәрдә бакчабыз гөрләп торды .Мәктәпкә хәзерлек төркемендә һәр бәйрәм мәгънәле, сюрпризларга бай, җылы үтә.Бу бәйрәм дә әниләргә ошады, озак күңелләрендә сакланырлык булды.Балалар чыгышыннан соң әтиләр җырлар, чәчәкләр бүләк итте.

 Режим моментларында саф һавада инглиз теле эшчәнлеге. Балалар “Уенчыклар” темасы буенча лексик берәмлекләрне “Чылбыр” уены аша ныгыталар. 

 Уртанчылар төркемендә Әниләр бәйрәме тәрбиячеләр котлавы белән башланып балаларның җырлары, биюләре, шигырьләре белән дәвам итте. Ә ахырдан әниләрне җитезлеккә, унганлыкка, тизлеккә тикшереп төрле уеннар оештырдык.

Икенче кече яшьтәге балалар төркемендә "Әбинең ишек алдында"дип исемләнгән бәйрәм иртәсе узды. 

  Безнең балалар бакчасында сабыйга туган  телгә мәхәббәт, милли горурлык хисе тәрбияләүгә , халкыбызның  борынгы гореф-гадәтләре, матур йолалары, бәйрәмнәре белән  танышуга зур урын бирелә.  Һәр  төркемдә милли почмак булдырдык. Почмакларга Идел буе халыкларының көнкүрешен, милли кимнәрен чагылдырган информацион  папкалар,күргәзмә материаллар, уеннар тупланган. Нәкъ шушы материаллардан файдаланып, балалар Идел буенда яшәүче төрле милләт халыкларының киемнәре, гореф-гадәтләре, уеннары белән танышалар. Балаларны милли рухта тәрбияләү, үзебезнең бәхетле киләчәгебезне үстерү-безнең мөһим бурыч. Иң мөһиме, нәниләребез туган телләрен, ата- бабаларның матур йолаларын, гореф-гадәтләрен өйрәнеп үсүләре. Ә үз милләтенең үткәнен, мәдәниятен белеп үскән бала  тәрбияле дә, төрле яклап гыйлемле дә була.

  Икенче кече яшьтәгеләр төркеме балалары кошларны бик яраталар .Менә буген дә прогулкага чыккач алар кошларны күзәттеләр,җимлекккә җимнәр салып кошларны сыйладылыр.