Смәил урта мәктәбе базасында үткәрелгән "КАИ - крылья для жизни" фәнни-гамәли конференциясендә "Репрессия корбаннары" эше белән катнашып 9 нчы сыйныф укучысы Гарипова Гөлсия 2 нче дәрәҗә диплом белән бүләкләнде. Җитәкчесе: Кәбирова Р.М.

1 нче сыйныфларга Алсу апалары китап уку кагыйдәләре, аны сакларга, аңлап укырга кирәклеге турында сөйләде. 

Рус теле һәм әдәбияты укытучысы Конькина Елена Федоровна "Ел укытучысы-2017" конкурсында катнашты, Түнтәр урта мәктәбенең 7 нче сыйныфында дәрес бирде, укытучылар белән мастер-класс үткәрде.

3 нче сыйныфлар әти-әниләрне кунакка дәштеләр: рус теленнән ачык дәрес күрсәттеләр, тәртип һәм уку торышы турында сөйләштеләр.

1-2 нче сыйныф укучылары кошларга җимлекләр ясап алып килделәр һәм көн саен аларга җим салалар - кошларны сыйлыйлар.

Килегез, кил, кошкайлар,

Сез бит безнең дускайлар.

Җимлеккә сез куныгыз,

Көн дə кунак булыгыз.

9 нчы сыйныфлар 12 гыйнвар көнне математикадан, 13 е көнне рус теленнән имтихан биреп караячаклар. Аларның "2" леләрсез биреп кайтуларын телибез.

Кышкы каникуллардан соң көч туплап, тырышып укырга дип килдек...

Барыгызны да якынлашып килүче Әтәч елы белән котлыйбыз. Бәхет-шатлыклар, сәламәтлек, тынычлык, тигезлек, гаиләгездә иминлек телибез.

Еллар шулай үтә торсын,
Яңалары кабат килсен.
Елның һәрбер үткән көне,
Тик бәхет — шатлык китерсен.

Күңел ап-ак йомшак булсын,
Теләкләр гел актан булсын!
Табыныбыз мулдан булып,
Шау — гөр килеп гөрләп торсын!

Фән олимпиадаларының муниципаль этабында мәктәбебез укучылары 8 призлы урын яуладылар: 4 сыйныфтан Әлфис 3 призлы  урын, 9 нчы сыйныфтан Гөлсөя 2 призлы урын, 5 сыйныфтан Әсхәт, 6 сыйныфтан Язгөл, 4 сыйныфтан Айзилә 1 әр урын алдылар. Яңа ел бәйрәмендә бу укучыларга һәм "4"кә, "5"кә укучы балаларга Рәхмәт хатлары тапшырылды. 

Бүген мәктәптә 1-9 нчы сыйныфларның Яңа ел бәйрәме үткәрелде. Бәйрәм бик күңелле, җыр-биюгә, маскаларга бай булды.