Бүген Чалпы урта мәктәбендә "Соңгы кыңгырау" бәйрәме бик үзенчәлекле, күңелле, оешкан төстә узды. Моңсу саубуллашу җырлары, укытучыларга, әти-әниләргә рәхмәт сүзләре тулы шигырьләр, укытучылар, ата-аналар чыгышлары күңел кылларын тибрәтте.
Укучылар яраткан укытучыларына, барлык мәктәп эшчеләренә күңел җылысын биреп әзерләгән чәчәк бәйләмнәрен тапшырдылар. Укучыларның искиткеч матур саубуллашу вальсы тагын да күңелләрне кузгатты.
9нчы сыйныф җитәкчесе Энҗе Фәиз кызының фәрештә канатлары киеп чыгуы, оча торган шарлар таратып укучыларга матур теләкләр теләве зур сюрприз булды. Аннан соң, илебезгә тынычлык, балаларга , укытучыларга, ата-аналарга, һәммәбезгә ак теләкләр теләп ак күгәрченнәр, һәм алар артыннан чыгарылыш укучыларының теләкләр теләп шарлар очырту мизгелләре бик дулкынландыргыч булды.
Соңгы кыңгырау линейкасы күмәк Җиңү вальсы белән тәмамлау – быелгы БӨЕК Җиңүнең 80 еллыгына багышланды. Укытучылар, укучылар, ата-аналар, барсы бергә вальс биеделәр.
Алда укучыларны имтиханнар көтә. Барсына да имтиханнарны уңышлы тапшырып, үзләре сайлаган юлдан китүләрен, тормышта үз урыннарын табып, сау-сәламәт, бәхетле булуларын телибез!
Ак юллар сезгә, балалар