Бөек Җиңүнең 70 еллыгына багышлап "Аҗаган" уеннары үтте.

4 класс укучылары (класс җитәкчеләре- Сахапова Гөлнара Ясир кызы) хәзерге вакытта лаеклы ялда булган мәктәпнең техэшчесе- Луна апа Миррихованы бәйрәм белән котладылар.

8 нче март көнне Чалпы авылы Мәдәният йортында Халыкара хатын-кызлар көне уңаеннан  китапханәчеләр, авыл советы һәм Сәнгать  мәктәбе укучылары, укытучылар катнашында бәйрәм кичәсе узды. Кул эшләре һәм татар халык ризыклары күргәзмәсе оештырылды. Укучыларның концерт номерлары күңелләргә яз дәрте, әниләргә хөрмәт хисләре уятты. Һәр яктан  уңган укучыларыбызга тагын да зур уңышлар теләп каласы килә.

Хөрмәтле укытучыларыбыз,  укучы кызларыбыз, ветеран апаларыбыз, поварларыбыз,техэшчеләребез! Сезне 8 МАРТ бәйрәме белән кайнар котлыйбыз!

Педагог оештыручы Авзалова Р.М., озайтылган көн төркеме тәрбиячесе Камалиева Л.Я. лар укучылар өчен "Геройлар китабы"ы буенча китап укучылар конференциясе үткәрделәр.

Башлангыч класс укучылары белән китапханәче Исламова А.С. "Сугыш эзләре буйлап" темасына Батырлык дәресе үткәрде.

Китап- белем чишмәсе.

27.02.2015 көнне район Мәдәният йортында мәктәбебезнең горурлыгы Россиянең  һәм Татарстанның танылган артисты Әзһәр Шакиров белән очрашу узды.Бер төркем ветеран укытучыларыбыз   авыл советы рәисе җитәкчелегендә очрашуда катнаштылар.75 яшь тулган артистыбызга  үзләренең соклануларын белдереп, иҗади уңышлар, сәламәтлек теләп, чәчәк букеты  тапшырдылар

26.02.2015 көнне укучылар, укытучылар, авыл халкы, китапханәчеләр катнашында Камышлы авылы Мәдәният йортында “Хәрби антка тугрылык”исемле китапны тәкъдим итү кичәсе уздырылды. Кичәдә китапны чыгаруда активлык күрсәткән элеккеге укучыбыз  Миргазиян  Динмөхәммәтов, шагыйрь Илдус Гыйләҗев, язучы Марсель Гарипов, әфганчылар белән кара-каршы сөйләшү булды. 6-9 нчы сыйныф укучылары җыр-биюләр белән катнаштылар. Әфган,Чечен сугышларының кабатланмавын теләделәр.

Укучылар Бөек Ватан сугышында катнашкан ветераннарыбызга багышлап слайдлар эшләделәр.