Ел саен февраль-апрель айларында республикабызда “Мин татарча сөйләшәм!” (“Я говорю по – татарски”) акциясе үткәрелә. Менә быел да бу акция игълан ителер дип ышанабыз. Без, Актүбә бистәсендәге икенче урта мәктәпнең татар теле һәм әдәбияты укытучылары Гаскәрова Э.М., Мортазина Л.И. , быел шушы акциягә кушылып, 8-10 сыйныф укучылары арасында “Мин татарча сөйләшәм!” логотибын төрле кул эшләрендә ясау конкурсын үткәрергә булдык. Шушы конкурста укучылар төрле кул эшләрен ясап күрсәттеләр. Конкурста төрле милләт укучылары да катнашты. Чарада катнашкан укучыларның  нинди телдә аралашуын белергә, татар теленә карата нинди фикердә торуларын ачыклар өчен   кызыклы бәйгеләр  дә үткәрдек.  Укучылар төрледән-төрле конкурс, викториналарда татар телен яхшы белүләрен күрсәтттеләр.

   Тел кешеләргә үзара аралашырга,бер-берсен аңлап яшәргә, бергәләп яшәргә һәм күңел ачарга ярдәм итә.

                                                    Гаскәрова Э.М., Мортазина Л.И. ,татар теле һәм әдәбияты укытучылары