Татар теле зур тарихлы, бай, җырлы-моңлы тел. Актүбә урта гомуми белем бирү мәктәбе укучылары, укытучылары  менә инде дүртенче ел  февраль-апрель айларында республикабызда үткәрелә торган “Мин татарча сөйләшәм” акциясендә катнашалар. Шул акция уңаеннан безнең мәктәбебездә төрле-төрле чаралар, бәйрәм кичәләре, дәресләр уздырылды. Бистәбездә яшәүче кешеләрнең күпчелеге нинди телдә аралашуын белергә, татар теленә карата нинди фикердә торуларын да ачыкларга булдык.  Шушы уңайдан “Ялкынкай” беренче балалар бакчасына барырга булдык. 3нче сыйныф укучылары  татар теле, татар халкының яшәеше белән таныштырдылар, татар телендә җырлар җырладылар, шигырьләр сөйләделәр, “Күрсәт әле,үскәнем”уенын нәниләр дә кызыксынып уйнадылар. Чыгышның йомгаклау өлешендә укучылар, укытучылар белән бергәләп, бөек татар шагыйре Габдулла  Тукайның “И туган тел” җырын җырладык.  Татар халкының бөек шагыйре Габдулла Тукайның иҗатын белүләре ата-аналарны гаҗәпкә калдырды. Без моңа бик шатланабыз. Бу кичә кунакларга, ата-аналарга  бик ошады.  

   Телне бетерсәң, халыкның әдәбияты, мәдәнияте,гореф-гадәтләре дә бетә. Безнең  төп бурычыбыз - телебезне саклау.Туган телебезне саклыйк! Татар телендә аралашыйк!

                                                                                Байгузина Тәнзилә Әнәс кызы,Гарипова Лилия Рәшит кызы   

                                                                                                  татар теле һәм әдәбияты укытучылары