Бакчабыз балалалары төрле конкурсларда катнашып торалар."Кладезь знаний"сайты оештырган I Бөтенроссия "Патриотик слог" иҗади конкурсында катнашып зурлар төркеменнән Амиров Азат сертификатка ия булды.

Бүген бакчабызда әниләр бәйрәмен билгеләп үттек.Әниләребез ,мәшәкатьләрен онытып,балалары белән бергә күңелле ял иттеләр. Соңыннан нәни куллары белән эшләгән бүләкләрен тапшырдылар.

22 февраль көнне "Әтиләр бәйрәме"н  билгеләп үттек.Бәйрәмебезгә әтиләр һәм бабайлар килде.Бәйрәмдә оештырылган уеннарда әтиләр дә актив катнаштылар.Бәйрәм бик күңелле узды.

Район буенча балалар бакчасы арасында "Яшел ут-2014" конкурсы бара.Бу конкурста Тәрбияче Ахмедшина Фирдинә үзенең "Карлсонга ярдәм итик"дип исемләнгән эшчәнлеген күрсәтте.

Бакчада курчак,өстәл театрылары белән бер рәттән ,шәүлә театрын да балалар бик яратып карыйлар.Тәрбияче Гарипова Файлә балаларга "Төлке,куян һәм әтәч"әкиятен шәүлә театрында күрсәтә.

 Безнең  балалар саф һавага чыгуны көтеп алалар. Саф һавада төрле уеннар оештырабыз,таудан чана шуабыз,бер-берләрен чанада тартып уйныйбыз,кечкенә көрәкләр белән уен почмакларын кардан чистартабыз,кошларны җимнәр белән сыйлыйбыз.

Без бүген чыршы янында

әйлән-бәйлән уйнадык.

Кыш бабай белән Кар кызын,

Яңа елны каршы алдык.

28 декабрь көнне,бакчабызда" Могҗизалы - Яңа ел"исемле музыкаль-тамаша уздырылды.Соңыннан балаларга Кыш бабай күчтәнәчләре өләштек.Әти-әниләр,килгән кунаклар күңелле ял иттеләр.Соңыннан чыршы янында фотоларга төштеләр.

27 декабрь көнне, балаларны  мәктәпкә ,башлангыч сыйныф укучыларының "Чыршы бәйрәме"н карарга алып кердек.

Балалар күңелле ял иттеләр.

Район бакчалары арасында,  экология елы уңаеннан оештырылган чарада , безнең балалар бакчасында да "Табигать-тиңсез хәзинә" дип аталган музыкаль чара үткәрелде.Бу чарада балалар бик теләп катнаштылар.

Бүген без Әниләр көнен билгеләп үттек."Иң-иң кадерлеләребез"дип исемләнгән музыкаль-иртәбезгә әниләр кунакка килде.Балалар әниләренә үз куллары белән эшләгән бүләкләрен тапшырдылар.