Бүген мәктәбебездә Г.Тукай  исемендәге  IV Бөтенроссия шигырь укучылар конкурсының мәктәп этабы булып узды. Укучылар җәлилчеләр һәм аларга багышлап  башка шагыйрьләр язган  шигырьләрен укыдылар.  Һәр 4 төркемдә җиңүчеләр билгеләнде. Җиңүчеләр районда узачак шигырь конкурсында чыгыш ясаячаклар.

Күчкәнме бу залга дөньяның бар яме,
Күңелләр түрендә Әлифба бәйрәме .

Бүген беренче сыйныф укучылары өчен зур бәйрәм. Алар Әлифба китабы белән саубуллаштылар.

Бүген  Г. Тукай исемендәге Әтнә дәүләт драма театры бинасында  “Созвездие –Йолдызлык 2014” бәйгесенең  район этабы булып узды. Мәктәбебез укучылары Хашимова Рүзилә вокал-соло номинациясендә, ә Аюпов Рафил  һәм Аскарова Фәридә конферанс номинациясендә катнашып гала концертка уздылар. Киләчәктә дә аларга уңышлар  теләп калабыз.

Мәктәптә “Ел укытучысы-2014” конкурсы булып узды.  Конкурс  грант алган укытучылар арасында узды. Мәктәбебезнең  ел укытусысы булып география укытучысы Загидуллина Зөлфия Дамир кызы сайланды. Аңа  бәйгенең район этабында уңышлар теләп калабыз.

05.02.2014 көнне укытучылар спартакиадасының район этабы булып узды. Нәтиҗәләр дә куанырлык: шорт тректа хатын-кызлар арасында 3 урынны Вәлиева Гадения  Рәхмәтулла кызы яулады. Аркан тартуда мәктәп командасы 3 урынны алды. Афәрин!

Узган атнада мәктәптә ата-аналар җыелышы булып узды. Башта әти-әниләргә ачык  дәресләр күрсәтелде, аннан соң  сыйныфларда  җыелышлар дәвам итте.

Декабрь аенда районыбыз мәктәпләре арасында  “Кар шәһәрчеге” конкурсы игълан ителгән иде.  28.01.2014 көнне узган директорлар җыелышында нәтиҗәләре билгеле булды. Безнең мәктәпнең Кар шәһәрчеген  3 урынга лаек дип таптылар.

Арча районы Госалкоголь инспекциясе  белгечләре Вәлиева Алсу Илсур кызы һәм Гилметдинова Зөхрә Рәфикъ кызы 9 сыйныф укучысы Әскәрова Инзиләне “Защита прав потребителей” буенча уздырылган конкурста җиңүе белән котларга махсус  килделәр

24-26 нчы гыйнвар көннәрендә мәктәбебез укучылары Юсупов Айназ һәм Садретдинов Илназ Питрәч районында уздырылган А.В. Тарасов исемендәге  хоккей ярышында катнаштылар.