9 нчы сыйныф укучысы Хәйруллина Илүзә  19 апрель  көнне Казанда узган Г.Ибраһимов исемендәге республика фәнни - гамәли конференциянең инглиз теле секциясендә катнашып, 1 нче урын яулады.Афәрин, Илүзә. ( Җитәкчесе: Хашимова Инзилә)

Бүген Я.Шашы урта  мәктәбендә  Күңгәр, Күшәр, Я.Шашы, Өҗем мәктәпләре командалары арасында КВН ярышы уздырылды. "Күшәр пилмәннәре"  бу ярышта  1 нче урынга лаек булды.

Мәктәбебезнең   6нчы сыйныф укучысы Хафизова Рәсилә  Казан шәһәрендә узган "Җәлилчеләр" дип аталган  Г.Тукай  исемендәге IV Бөтенроссия сәнгатьле  шигырь  укучылар конкурсында  уңышлы чыгыш ясап, диплом белән бүләкләнде. Рәсиләгә киләчәктә дә зур уңышлар теләп калабыз.

8 сыйныф укучысы Аскарова Фәридә КФУның экология һәм география, педагогика һәм психология Институтлары тарафыннан Биектау районы Айбаш урта мәктәбе базасында оештырылган VI республикакүләм экология һәм краеведение фестивалендә 2 урынга лаек булды. Укытучысы - Загидуллина З.Д.  

"Әхлак" түгәрәгенә йөрүче балалар "КАРГА БОТКАСЫ" бәйрәме үткәрделәр. Бәйрәмдә "Ашыт" сакланышы хезмәткәрләре Әхмәтҗанов Рәшит, Сабирова Аделина катнаштылар. Алар түгәрәк җитәкчесе Вәлиева Гадения Рәхмәтулла кызын, балаларны диплом белән бүләкләделәр.

Укучыларыбыз тырышып сыерчык оялары ясадылар. Ояларның ниндиләре  генә юк! Кошларыбыз рәхәтләнеп торсыннар, бала чыгарсыннар. Мухаметшин Айнур (2нче сыйныф)   "Иң яшь сыерчык оясы ясаучы" дип танылды һәм бүләкләнде.

Балалар Карга бәйрәменнән соң карга боткасы белән сыйландылар. Ботка бик тәмле булган иде. Бәйрәмнән һәр бала канәгать калды. Ә калган ботка белән кошларны сыйладылар.

Хуш киләсез, кошкайлар,

Безнең якын  дускайлар!

Кошлар көне уңыеннан 5-9 нчы сыйныфлар арасында КВН уздыралды. 13 очко җыеп, "АКЧАРЛАК" командасы 1 нче урынга лаек булды.

Бүген мәктәптә 3 нче чирек нәтиҗәләре буенча ата-аналар җыелышы булды.