Участники Всероссийского конкурса "КИТ-компьютеры, информатика, технологии"

Ученица 11 класса Кубянской СОШ Хакимзянова Лилия показала наилучший результат: 1 место в школе, 9 место в регионе. Поздравляем!!!

Ученица 11 класса Кубянской СОШ Хакимзянова Лилия стала победителем конкурса "Русский медвежонок". Поздравляем!!!

Күәм урта мәктәбе укытучысы Садриева Алия Габдулла кызы "Ел укытучысы 2011" конкурсында уңышлы чыгыш ясап, IV урын алды һәм  РМБ тарафыннан грамота белән бүләкләнде. 7 нче сыйныф укучылары белән тәрбия сәгате һәм татар әдәбиятыннан ачык дәрес үткәрде. 

Күәм урта мәктәбенең 11 нче сыйныф укучысы Минлебаева Гөлнар рус теле буенча Республика күләм олимпиадада I урынны яулап алып, кабат җиңүче булды.Гөлнар Мәгариф министрлыгы дипломы,ә  аның укытучысы Сабирова Саимә Ахатовна почет грамотасы белән бүләкләнде.  Молодцы.

Шагыйрьнең тууына 105 ел тулу  уңаеннан "Муса Җәлил - герой шагыйрь" темасына башлангыч сыйныфларда класстан тыш чара - тәрбия  сәгате үткәрелде. 3 нче сыйныф җитәкчесе Гатауллина Гөлназ укучыларны Муса Җәлилнең тормыш һәм иҗат юлы белән таныштырды. Ватан пәрвәрлек хисе  һәм өлкән буынга ихтирам һәм хөрмәт тәрбияләү, укучыларның танып-белү сәләтен үстерү максат итеп куелды. Дәһшәтле сугыш чорында шагыйрь Волхов фронтында көрәшә, дошман кулына эләгә, яралана. Ул 791 көн тоткынлыкта яши. Шуның 380 көнен төрмәләрдә үлем җәзасын көтеп уздыра.Моабит төрмәсендә шигырьләр иҗат итеп дошман белән көрәшүен дәвам итә.Бу шигырьләр турында хәзер бөтен дөнья белә, дип таныштырды укытучы. Укучылар  шагыйрьнең күп кенә шигырьләрен сөйләделәр. китаплар күргәзмәсе белән таныштылар.Дәрес өчен төзелгән презентация бай эчтәлекле һәм иҗади итеп төзелгән иде.

13 февраль көнне мәктәп янындагы шугалакта   5-9кл. укучылары катнашында Самат Шакир призына  хоккей ярышы булып узды.Бәрәскә, Мәңгәр, Күшәр һәм Күәм командалары арасында үзара кискен көрәштә, Күәм командасы 9:0 исәбенә җиңү яулады. Укучылар тренерлары Зарипов Булат абыйның ышанычын акладылар. Егетләргә  ярышта җиңү яуларга  мәктәптә практика үтүче- чын спортсмен Зарипов Раушан  абыйларының осталыгы , күрсәткән алымнары  да ярдәм иткәндер.  

13 нче февраль көнне район күләмендә  үткәрелгән чаңгы ярышында Күәм урта мәктәбе башлангыч сыйныфлар укытучысы Сафина Резеда Рашат кызы 21-35 яшьлекләр төркемендә I урынны яулады. "Сәламәт тәндә - сәламәт акыл", спортны яратыгыз, - ди Резеда. Аны җиңүе белән кайнар котлыйбыз.

12 нче февраль көнне мәктәптә 5, 6 нчы сыйныф укучылары белән берлектә "Калатау бөркетләре" һәм "Светофор" командалары арасында юл йөрү кагыйдәләрен төгәл белү һәм юл иминлеге буенча ярыш-бәйге үткәрелде. "Юлда йөрсәң бул өлгер, юл кагыйдәсен син бел!" девизы астында уздырылган бу бәйгедә укучылар узара көч сынаштылар: юл кагыйдәләрен искә төшерделәр, велосипедта дөрес хәрәкәтләнеп, юл билгеләрен танып һәм эстафета уеннарында катнаштылар. Педагог-организатор Садриева Алия һәм ТИН укытучысы Зарипов Булат укучыларга махсус биремнәр әзерләделәр. ЮХИДИ бүлегенең пропаганда хезмәткәре милиция лейтенанты Муллагалиев Фәнил бәйге барышында укучыларга юл иминлеге буенче сораулар бирде. Һәм ул укучыларга махсус бүләкләр дә алып килгән иде. Бәйгедә ике уңышлы чыгыш ясады. Молодцы.

9 нчы февраль көнне 1 нче сыйныф укучылары белән "Әлифба" бәйрәме үткәрелде. Сыйныф җитәкчесе Борханова Римма зур әзерлекле программа буенча бәйрәмне әти-әниләр, укучылар һәм башка килгән кунаклар өчен кызыклы итеп алып барды. 1 нче сыйныф укучылары шигырьләр сөйләделәр, кызыклы уеннар уйнап, яңа җырлар җырладылар. Белем серләрен өйрәнүдә укучыларга уңышлар теләп калабыз.