26 нчы гыйнварда Әтнәдә  район күләмендә  кышкы Спартакиада кысаларында  яшүсмерләр арасында хоккей ярышы узды. Ярышка районның көчле командалары җыйналды. 5 команда көч сынашты. Мәктәбебез командасы барысын да җиңеп алга чыкты. Алтын медаль укучыларыбыз кулында. Безнекеләр гел  беренче. Котлыйбыз сезне, егетләр!

25 нче гыйнвар көнне 3 нче сыйныфта "Билгесез бүленүчене табу" темасына башлангыч сыйныф укытучысы Гатауллина Г.Р.  мәктәпкүләмендә математика фәненнән ачык дәрес күрсәтте. Дәрестә күп эш төрләре кулланылды,  укучылар бик актив булдылар.

  2019 нчы  елның  23  нче  гыйнваренда Биектау районы Мәмдәл мәктәбендә "Вахит: шәхес, иҗат, заман” дип исемләнгән республикакүләм фәнни -гамәли  конференция узды. Мәктәбебезнең 7 нче сыйныф укучысы Вафина Зәлия, укытучысы Сафина Резеда Рашат кызы белән берлектә конференциядә уңышлы чыгыш ясап, диплом белән бүләкләнделәр. Котлыйбыз!  

 Икенче чирек тәмамланды. 18 нче гыйнвар көнне мәктәптә ата -аналар җыелышы узды. Көн тәртибендә:

1. “Укучының көндәлегендә нинди билгеләр” (укучы һәм ата-аналарның укуга карашы).

2. Мәктәптә дисциплина торышы,сәбәпсез дәрес калдыруга анализ.

3. Яшүсмерләр арасында закон бозу һәм гаиләдәге низагларны профилактикалау инспекторы  Яруллина Резеда Рубис кызы белән очрашу.

4. II чирек нәтиҗәләре, уку сыйфатын анализлау.

2 чирек тәмамланды. Чираттагы педсовет утырышы үтте. 

Тема: ФГОС шартларында укыту

1.Бөтен Россия тикшеру эшләренә хәзерлек тәҗрибәсе, мөмкинлекләр  һәм проблемалар (Сафина Р.Р.,)

2.ФГОС таләпләре буенча укытуда башлангыч һәм урта сыйныф укытучылары эшчәнлегенең төп юнәлешләре (Гатауллина Г.Р., Галиева Р.Р,)

3. II чирек йомгаклары, уку сыйфатын  анализлау,алда торган бурычлар.  (кл. җит., директор)

Яңа ел каникуллары күңелле генә дәвам итә. Укучыларыбыз каникулда да тик утырмый. Алар гел мәктәптә, саф һавада күңел ачалар. Төрле спорт ярышлары,экскурсияләр булып тора: чаңгы ярышы, хоккей ярышы. Бозлавыкта иртән, кич укучылар  тавышы яңгырап тора. Хәтта әти -әниләрдә балалар белән конькида шуалар, хоккей уйныйлар. Рәхәтләнеп ял итәләр.

Мәктәбебездә гөрләп яңа ел бәйрәмнәре үтте. 27 нче декабрь көнне башлангыч, урта һәм югары сыйныф укучылары кунаклар кабул иттеләр. Бик тырышып, күңелле итеп  концерт номерлары, җыр, бию, скетч, маска яклау, төрле артистларга пародияләр күрсәттеләр. Укучылар, әти -әниләр, килгән кунаклар бик канәгать калдылар. Яңа еллар белән , дуслар! 

22 нче декабрь көнне Әтнәдә яшүсмерләр арасында хоккей буенча XIII спартакиада үтте. Командалар көч сынаштылар. Мәктәбебезнең хоккей командасы үзенең көчен тагын бер тапкыр раслады. Егетләребез район күләмендә беренчелекне алып, күчмә кубокка ия булды һәм кыйммәтле бүләк - зур картина белән бүләкләнде. Егетләр! Чын күңелдән сезне җиңүегез белән котлыйбыз, уңышлар телибез!

22 нче декабрь көнне  татар теле һәм әдәбияты укытучысы Сөнгатова Гөлнара Зөлкарь кызы 10 нчы сыйныф укучылары белән  татар әдәбиятыннан Ф. Кәриминең Ауропа сәяхәтнамәсе" дигән темага ачык дәрес күрсәтте. Дәрес - сәяхәт формасында оештырылды. Ф.Кәриминең  автобиографик әсәре ,бу әсәр һәм  сәяхәтнамә жанры буенча укучыларга бик кызыклы мәгълүмат бирелде. Укучылар төркемнәрдә дә, группалап һәм индивидуаль дә эшләр башкардылар. Әсәр белән танышып, проект эшләре белән иптәшләрен таныштырдылар һәм үзбәя куйдылар. Ауропага сәяхәт кылдылар.