23 нче февраль көнне районкүләмендә  XIII Спартакиада кысаларында  яшүсмер кызлар арасында волейбол ярышы узды. Бу ярышта катнашып, мәктәбебез командасы 3 урынга лаек булды. Котлыйбыз, кызлар! Уңышлар Сезгә!

21 нче февраль -  Халыкара туган телләрне яклау һәм саклау көне. Бу көнне башлангыч сыйныф укучылары сыйныф җитәкчеләре белән берлектә, авыл китапханәсенә сәяхәт кылдылар. Китапханәче Вафина Луиза тарафыннан оештырылган КВН -кичәдә катнаштылар. Алар ике команда:Сөембикә оныклары һәмТукай оныклары ярышта көч сынаштылар. Сыйныф җитәкчеләре:Борханова Римма Нурмөхәммәт кызы, Гатауллина Гөлназ Рахиман кызы жюри буларак, аларның белемнәренә бәя бирделәр. Соңында дуслык җиңде.

Республикакүләмендә рус әдәбиятыннан 9 нчы сыйныф укучысы Мортазина Назгөл призер исеменә лаек булды. Без аны тәбрик итәбез, киләчәктә дә зур уңышлар телибез!

16 нчы февраль көнне мәктәптә укучылар өчен файдалы профориэнтацион очрашу булды. Килгән вәкил укучыларны һөнәри юнәлешләр, кайда һәм нинди уку йортында укырга кирәклеге  белән таныштырды. Соңыннан профориэнтацион тест үтте. Укучылар киләчәктә үзләре өчен нинди һөнәр сайларга мөмкин булачагын белделәр.

15 нче фераль - Әфган җиреннән совет сугышчыларын чыгаргаруны   искә алу көне. Бу көнне мәктәбебез укучылары авыл китапханәчесе Вафина Луиза, сыйныф җитәкчеләре белән берлектә, "Әфган - йөрәк ярасы" дип исемләнгән бик зур чарада катнаштылар. Бу чарага Әфган сугышында катнашып, күп кенә орден, медаль иясе булган Төхфәтуллин Булат Рәшит улы да  чакырылды.  Ул укучыларга батырлык, ватанпәрвәрлек төшенчәләрен һәм ничек итеп илне сакларга кирәклеген аңлатты. Укучылар Булат Рәшит улына рәхмәтләрен әйтеп, истәлек бүләген тапшырдылар.

3 дистәдән артык гомерен укучыларга биргән, үз фәнен белеп, тәмен тоеп  эшләүче хезмәттәшебез, физкультура укытучысы Зарипов Булат Абдул улының, олы хезмәтен хөкүмәтебез югары бәяләп, аңа "Атказанган физик культура хезмәткәре" дигән мактаулы исем бирде. Хезмәттәшебезне чын күңелдән тәбрик итәбез, алда да зур уңышлар телибез!

10 нчы февраль көнне укучыларыбыз, Хафизов Булат, Гатауллина Зәлия, Вафина Зәринә,  тагын бер кат "Тамчы шоу"  халыкара  иҗади - интеллектуаль бәйгесендә катнаштылар. Аларның көндәшләре Кукмара районы  Г.Х.Хабибрахманов исемендәге  Олаяз урта мәктәбе укучылары  булды. Һәм менә безнең укучыларыбыз - беренче! Алар  үзләренең белемгә һәм танып - белүгә  сәләтләрен күрсәттеләр, татар теле һәм әдәбиятын, сәнгатьне  яратуларын  тагын бер кат расладылар. Котлыйбыз, сезне укучылар!

8 нче февраль көнне  "Ел сыйныф җитәкчесе" бәйгесенең чираттагы район туры үтте. Биш конкурсант көч сынашты. Мәктәбебезнең технология укытучысы, 5,11 нче сыйныфлар җитәкчесе Төхфәтуллина Фәрдия Римхәт кызы бәйгедә катнашып, лауреат исеменә лаек булды. Чын күңелдән уңышы белән котлыйбыз.

Әлифба - һәр кеше өчен беренче белем  китабы. Беренчеләребез   әлифбаны укып бетереп, әти - әниләрен кунакка чакырдылар. Үзләренең белемнәрен һәм һөнәрләрен күрсәттеләр. Сыйныф җитәкчеләре Люция Фәесхан кызына рәхмәтләрен җиткерделәр. Аларга алга таба, тагын да күбрәк белемнәр үзләштерүләрен телибез.

Республика күләмендә туган (татар)  әдәбияты фәненнән 11 нче сыйныф укучысы Газизова Зөхрә призер исеменә лаек булды. Зөхрәне чын күңелдән котлыйбыз, яңа уңышлар телибез!