Мәктәбебезнең "Кояшлы светофор" командасы "Куркынычсыз тәгәрмәч-2015" конкурсының район этабында, IV урынны яулады. Җитәкчәсе Каюмов Р.Р. Балаларның юлда йөрү куркынычсызлыгын тәэмин итү максатыннан оештырылган әлеге бәйге, гадәттәгечә, район буенча ЮХИДИ һәм район мәгариф бүлекләре тарафыннан уздырылды.

25 апрель ––Татарстанда Агач утырту көне. Республикада ул инде 2011 елдан бирле һәр сезонда үткәрелеп килә. Шул уңайдан, мәктәбебез укучылары белән укытучылары агач утырту өмәсендә катнаштылар.

Музей мөдире Зилә Зиннәтуллина, укучыларыбызга "Комыргуҗа авылы сугыш чорында" дигән темага чара үткәрде. 

Мәктәбебез укучылары, бу көнне аеруча ярдәмчел булырга ашыктылар. Зурраклар кечерәкләргә ярдәм итте, шулай ук мәктәп китапханәсендә таушалган китапларны ремонтладылар.

"Яз дүрт төрле була. Яктылык язы, су язы, җылылык язы һәм яшеллек язы. Экскурсияләрне системалы уздырабыз, күзәтүләр алып барабыз. Без җылылык язын көтәбез" - ди Яңа Җөлби филиалы укытучысы Гөлсинә Гайфуллина.

Бу көн уңаеннан, мәктәбебез китапханәчесе чара оештырды, теләгән укучылар мәктәп китапханәсенә китаплар бүләк иттеләр.

Бүген укучыларыбызга  "Георгий лентасы" на багышланган сыйныф сәгатьләре үтте. Шулай ук Бөек Ватан Сугышында катнашкан әби-бабайларының фотографияләрен алып килеп, портретлар әзерләделәр.

Бөек Җиңүнең 70 еллыгы уңаеннан, мәктәбебездә төрле чаралар узу дәвам итә. Яңа Җөлби филиалында, укучылар рәсем күргәзмәсе оештыруда катнаштылар. Җитәкчеләре Гөлсинә Гайфуллина.

Бүген 7-11 сыйныф укучыларына, музей мөдире Зилә Зиннәтуллина – паспорт тарихы һәм яшь кешенең тормышында паспортны алуының зур әһәмияткә ия булуы турында сөйләп китте.

Укучыларыбыз тәрбия сәгатьләрендә Дуслык дигән темага сөйләштеләр.