Яңа елның һәрбер көне

Бәхетләр алып килсен                                     

Һәр ишектән шатлык тулы

Яңа ел җыры керсен.

Һәр кешегә бәйрәм бүген.

Бар да матур киенгән

Чыршыбыз да әйтерсең лә                          

Укалы күлмәк кигән.

Энҗе – мәрҗән бизәкләре

Көмештән тасмалары.

Озакламый кабыныр                                  

Чыршыбызның утлары

Тамчы гөлем, яран гөлем,
Өебез бакча төсле.
Үзем үстерәм иркәләп,
Чәчәкләре хуш исле.

Әй, гөлләрем, гөлкәйләрем,
Яратыр идем кочып,
Уйнар идем арагызда,
Күбәләк булып очып.

Кояшка таба үрелә
Тәрәзәдән гөлләрем,
Сулар сипсәм, сөенәләр,
Беләм гөлләр телләрен.

“Кыш бабай”

Яратам мин Кыш бабайны

Шундый шаян бабай ул.

Безнең белән уйнаганда,

Әйтерсең бер малай ул.                             

 Белсәң иде яшь чакта ул

 Кем кебек булды икән.

Ул чакта да хәзергедәй,

Гел көлеп торды микән?.

Шундый шат булды микән

 Гел юмарт булды микән?

“Урындыклар”. Көй башлануга урындыклар тирәли бииләр. Көй туктауга урындыкка утырып калырга тиешләр, урындыксыз калган уенчы уеннан чыгарыла (урындыклар саны уенчылар саныннан бергә ким алына).