Бүген бакчада бик күңелле .  Чөнки бүген бездә "Әниләр бәйрәме".  Кунакка кадерле әниләребез килде. Бәйрәм гөрләп үтте. 

Без "Әниләр бәйремен" бик күңелле үткәрдек.

Әниләребезне котлап матур шигырләр сөйләдек, җырлар җырладык, биюләр биедек. Бәйрәм үзебезгә дә һәм әниләргә дә бик ошады. Ахырдан чәй табыны әзерләп, сыйланып та алдык.

Балаларда әниләргә карата ихтирам, хөрмәт хисләре тәрбияләү нияте белән "Кояш гомере телим мин, әнием сиңа" -дигән проект эшен дәвам итәбез.Әниләр бәйрәменә үз көчебез белән бүләкләр әзерлибез.

Бәйрәмгә әзерләнгәндә һәрвакыт бүлмәләрне бизибез.

Бакчада дайми конкурслар үткәреп  торабыз, әниләр бәйрәменә балалар көче белән "Иң ягымлы әни минеке" -дигән рәсем конкурсы үткәрдек.

Балаларның иҗат сәләтләрен ачыклау нияте белән бакчада конкурслар оештырабыз. Район конкурсларында да даими катнашабыз.

Балалар бакчалары профсоюз җитәкчеләре безнең бакчада ачык шөгыль карадылар. Шөгыльнең темасы "Су һәм аның үзенчәлекләре" дип атала иде.

Балаларда яхшы кәеф, шатлык хисләре булдыруга шартлар тудырабыз. Безнең балаларның бакча тормышы күңелле мизгелләргә бай. Бүген балалар белән "Салават күпере" дигән күңел ачу чарасы үткәрдек.