Буген бакчабызда тәрбияче апалар кунакта .Тәрбияче Валиева М.А. "Китап каян килә?" проектын кинәйтү нияте белән "Китап эзеннән тарихка" дигән ачык эшчәнлек күрсәтте.

Ташкичү балалар бакчасында китап атналыгы бара. Шул уңайдан "Китапның барлыкка килү тарихы" дигән темага тәрбияче Валиева Марина үзебезнең зона тәрбиячеләрен чакырып ачык шөгыль үткәрде. Шөгыльгә башлангыч класс укытучысы Камалиева Мәүҗидә, тәрбия эшләре буенча директор урын басары Гарифзянов Масхүт чакырылган иде. Шөгыль эчтәлекле һәм күңелле узды. Балаларга, килгән кунакларга бик ошады. 

Балалар белән бергәләп, командаларга бүленеп, "Кар бабайлар " конкурсы оештырдык. 

Көннәр җылы, тышта рәхәт,
Бердәм булып уйныйбыз.
Йөпшек карны тәгәрәтеп,
Кар бабайлар ясыйбыз.

Табигать почмагында даими эш алып барабыз. Балаларның күзаллау, күзәтүчәнлек, фикер йөртү сәләтен үстерәбез, табигатькә аңлы караш, экологик культура тәрбиялибез. Җилле көннән соң  җыйган ботакларыбыз тәрәзә төбендә инде яфрак ярды, бераздан тамыр җибәрерләр һәм без бакчабызга тагын яңа агач утыртырбыз. 

Тәрәзәдән карале, тышта ап-ак кар әле,
Безнең тәрәзә төбендә, яфракларны күр әле
Балалар яфракларга карап агачларны аерырга өйрәнә.

Балаларның күчмә кошлар, аларның үзенчәлекле яклары турындагы белемнәрен "Исәнмесез, кошкайлар" проектында ныгытык..Балаларда кошларга карата сакчыл караш, мәрхәмәтлелек сыйфатлары тәрбияләү нияте белән ата-аналардан сыерчык оялары ясатып алдык.

Яз проекты өстендә эшләү дәверендә;балаларда әйләнә - тирә дөньяга эстетик мөнәсәбәт формалаштыру, балаларны язгы табигатьтә була торган үзгәрешләрне күрә белергә өйрәтү, күзаллау, фикерләү, акыл сәләтен үстерү максаты куелды. Яз көнне кояшка карап нишләп күзләр чагыла? Кар кайда тизрәк эри?Эрегән кар суы кая китә һәм башка сорауларга  җавап эзлибез.