Дөньяда бик күп телләр бар, ләкин һәр татар кешесе өчен иң матур һәм иң яраткан теле - ул татар теле. Күп кешеләр башка телләрне дә яхшы беләләр, әмма туган тел барыбер аларның һәрберсе өчен иң кадерле тел булып кала. Мәктәп китапханәсендә “Күп телле дөнья” (“Этот мир многоязычный”) исемендәге күргәзмә эшли. Биредә укучыларга төрле телләрдә язылган әсәрләр тәкъдим ителә. Мондый әсәрләр белән танышу укучыларның әйләнә-тирәгә карашын, тел өйрәнү мөмкинлекләрен үстерергә ярдәм итә.