Китапханә - бик күп мәгълүмат, тарихи ядкәрьләр, аң-белем, мәгърифәт тупланган йорт. Китап – кешенең хәтере, юлдашы, киңәшчесе, ярдәмчесе, укытучысы. “Туган тел сагында” акциясе кысаларында бүген 4 нче сыйныф укучылары белән ​ китапханәгә чираттагы экскурсия оештырылды. Биредә “Мин кулыма китап алам” дигән темага әдәби сәгать узды. Экскурсиянең максаты - аз укый һәм укырга яратмый торган, китапханәдән читләшкән укучыларны китап укырга тарту, укырга зур кызыксыну формалаштыру,​ китап укуның кызыклы, файдалы һәм кирәкле шөгыль булуын җиткерү.
Укучылар яңа кайткан китаплар белән таныштылар. Бу китаплардан сайлап алып шигырьләр, хикәяләр уку балаларга ошады. Соңыннан алар китапханәдән үзләре теләгән китапларны алдылар.