Мәгърифәтче, тарихчы, этнограф, тел белгече һәм әдип Каюм Насыйри 1825 елның 14 февралендә элекке Казан губернасы Олы Шырдан авылында мулла гаиләсендә туа. 1871 елда Казанда үз мәктәбен оештыра. 1879 елдан иҗади һәм фәнни эш белән шөгыльләнә. Гуманитар фәннәрнең төрле тармаклары үсешенә зур өлеш кертә, хәзерге татар әдәби теленә, аның фәнни терминологиясенә нигез сала. К.Насыйри үзе җыйган фольклор әсәрләрен "Кырык бакча”, "Фәвакиһел-җөләса фил-әдәбият”, "Китаб-әт-тәрбия” китапларында бастыра. “Туган телем сагында” акциясе барышында 8-9 нчы класс укучылары галимнең күпкырлы иҗаты белән таныштылар, аның "Кырык бакча” әсәреннән өзекләр укыдылар.